អាមេរិកខាងជើង – ភាពយន្តខ្នាតធំ «Fantastic Beasts: The Secrets of Dumbledore» រកបានចំណូលរហូតដល់៤៣លានដុល្លារ គ្រាន់តែចាក់បញ្ចាំងក្នុងសប្ដាហ៍ដំបូងទោះស្ថិតក្នុងបរិបទកូវីដក្ដី។
យោងតាមសារព័ត៌មាន Variety ភាពយន្ត Fantastic Beasts 3 មានការគាំទ្រយ៉ាងខ្លាំងពីអ្នកទស្សនារហូតជាប់ Box Office របស់អាមេរិកខាងជើង បើទោះជាស្ថិតក្នុងបរិបទនៃជំងឺរាតត្បាត។ ភាពយន្ត Franchise ពីរឿង Harry Potter នេះកាលពីវគ្គមួយ «Fantastic Beasts and where to find them» កាលពីឆ្នាំ ២០១៦ រកបានប្រាក់ចំណូល៧៤លានដុល្លារនៅអាមេរិកខាងជើង ខណៈដែលវគ្គ២រឿង «The Crimes of Grindelwald» រកបានចំណូលចំនួន៦២លានដុល្លារអាមេរិក ទោះជារងនូវការរិះគន់ពីអ្នកទស្សនាក្ដី។
Warner Bros បានបណ្ដាក់ទុនយ៉ាងច្រើនសម្រាប់ភាពយន្ត Fantastic Beasts ដោយសង្ឃឹមថានឹងរកបានជោគជ័យយ៉ាងត្រចះត្រចង់ដូចរឿងជា «Harry Potter»។
អ្នកជំនាញផ្នែកភាពយន្តបានព្យាករណ៍ថាភាពយន្តនេះពឹងផ្អែកយ៉ាងខ្លាំងទៅលើចំណូលនៃការលក់ភាពយន្តនេះទៅកាន់ទីផ្សារអន្តរជាតិ។ បច្ចុប្បន្ន Fantastic Beasts 3 រកបានចំណូលសរុបរហូតដល់១៥០.៤លានដុល្លារ នៅជុំវិញពិភពលោក ធ្វើឱ្យចំណូលសរុបជាលក្ខណៈសកលរបស់រឿងនេះមានចំនួនសរុប១៩៣.៤លានដុល្លារ។
យ៉ាងណាមិញ Box Office ក្នុងប្រទេសចិន ដែលជាទីផ្សារភាពយន្តដ៏របស់ពិភពលោកបច្ចុប្បន្នបានរងគ្រោះយ៉ាងខ្លាំងដោយសារ Covid-19 បណ្ដាលឱ្យបិទរោងកុនយ៉ាងហោចណាស់៥០% ដែលនេះអាចប៉ះពាល់យ៉ាងខ្លាំងដល់ការរកប្រាក់ចំណូលរបស់រឿង «Fantastic Beasts 3»
ភាពយន្ត «Fantastic Beasts: The Secrets of Dumbledore» និពន្ធដោយ J.K. Rowling ដឹកនាំដោយ David Yates សម្ដែងដោយតារាល្បីចម្រុះជាតិសាសន៍មានដូចជា Eddie Redmayne, Jude Law, Ezra Miller, Katherine Waterston និង Mads Mikkelsen៕
សូមទស្សនាវីដេអូ Top News៖
ប្រភព៖ Screendaily
ទស្សនាវីដេអូ Trailer «Fantastic Beasts: The Secrets of Dumbledore» ខាងក្រោម៖
.