ថៃ – Mak Prin និង Kimberly ជិតនឹងចូលរោងការហើយ ប៉ុន្តែមានរឿងដែលធ្វើឱ្យមហាជនចាប់អារម្មណ៍មិនចាញ់ដំណឹងរៀបការរបស់អ្នកទាំងពីរនោះឡើយ នោះគឺរឿងទាយាទរបស់បុរសសង្ហានិងកញ្ញាកូនកាត់រូបនេះ។ ប៉ុន្តែហ្វេនៗប្រហែលជាត្រូវខកបំណងបន្តិចហើយព្រោះតែ Kimberly បាននិយាយថារៀបការរួចខ្លួនមិនប្រញាប់យកកូននោះឡើយ។
សម្រាប់ Kimberly និង Mak Prin ត្រូវបានអ្នកគាំទ្រដាក់រហស្សនាមឱ្យថាគូស្នេហ៍ម៉ារ៉ាតុន ព្រោះតែរយៈពេលនៃក្ដីស្នេហារបស់អ្នកទាំងពីរមានរយៈពេលយូររហូតដល់ជិត១០ឆ្នាំ។ យ៉ាងណាមិញក្ដីស្នេហ៍ដែលចូលដល់លក្ខណៈទុំជោរនេះបានប្រែពីពាក្យសង្សារមកជាស្វាមីភរិយាវិញនាពេលឆាប់ៗនេះ ក្រោយ Mak Prin បានលុតជង្គង់សុំរៀបការ Kimberly ក្នុងបរិយាកាសសែនរ៉ូមែនទិក កណ្ដាលចំណោមមិត្តភក្ដិជិតស្និទ្ធជាសាក្សី។
សម្រាប់បងស្រីមិត្តជិតស្និទ្ធរបស់ Kimberley ដែលជាតារាសម្ដែងបានចេញមកទម្លាយរឿងកូនដែលមហាជនចង់ដឹងនោះថា ខ្លួនធ្លាប់សួរ Kim ពេលរៀបការរួចមានកូនភ្លាមៗដែរទេ? ប៉ុន្តែនៅពេលដែលមហាជនបានស្ដាប់ចម្លើយរួចម្នាក់ៗផ្ទុះសំណើចផង និងច្រណែន Mak ផង ព្រោះ Kim និយាយថាខ្លួនរៀបការរួចមិនទាន់យកកូនភ្លាមៗទេ ព្រោះខ្លាច Mak ស្រលាញ់កូនជាងខ្លួន៕
ប្រភព៖ Sanook
