អាមេរិក – យោងតាមសារព័ត៌មាន Bloomberg រូបគំនូរមួយផ្ទាំងរបស់ Marilyn Monroe ក្នុងការដេញថ្លៃមួយអាចលក់ក្នុងតម្លៃ ១៩៥លានដុល្លារ ជាតម្លៃមួយដែលថ្លៃបំផុតក្នុងប្រវត្តិសាស្ត្រសម្រាប់រូបភាពរបស់សិល្បករអាមេរិក។
រូបគំនូរមួយសន្លឹកដែលជាស្នាដៃរបស់លោក Andy Warhol វ័យ៥៨ឆ្នាំ បានលក់ដាច់ក្នុងតម្លៃ១៩៥លានដុល្លារ។ រូបភាពនេះគឺជារូបភាពដ៏ថ្លៃបំផុតមួយដែលធ្លាប់លក់បានតម្លៃថ្លៃបំផុតក្នុងការដេញថ្លៃស្នាដៃសិល្បៈអាមេរិកនៅក្នុងសត្សវត្សទី២០ ហើយទទួលបានចំណាត់ថ្នាក់លេខ២ ក្នុងប្រវត្តិសាស្ត្រពិភពលោក ខណៈដែលស្នាដៃសិល្បៈដែលមានតម្លៃបំផុតជាសកលគឺជារូបភាព Leonardo da Vinci (តម្លៃ៤៥០លានដុល្លារ)។
លោក Larry Gagosian គឺជាអ្នកដែលដេញថ្លៃបានរូបគំនូរ Marilyn Monroe មកគ្រប់គ្រងនៅក្នុងការដេញថ្លៃនោះ។ រូបគំនូរនេះគូរដោយ Warhol កាលពីឆ្នាំ១៩៦៤។ រូបនេះនិងផ្ទាំងគំនូរ៣៥ផ្ទាំងផ្សេងទៀតត្រូវបានដាក់លក់ក្នុងពេលជាមួយគ្នា ហើយថវិកាដែលលក់បានទាំងអស់នឹងត្រូវប្រគល់ទៅឱ្យកម្មវិធីសិក្សានិងកម្មវិធីថែទាំសុខភាព។
ប្រភព៖ Bloomberg
