នាថ្ងៃទី១១ ខែឧសភា ឆ្នាំ២០២២ នៅក្នុងពិធីជួបសំណេះសំណាលជាមួយនឹងសហគមន៍ខ្មែរនៅអាមេរិក និងខ្មែរនៅកាណាដានៅរដ្ឋធានីវ៉ាស៊ីនតោនឌីស៊ី សហរដ្ឋអាមេរិក សម្តេចតេជោ ហ៊ុន សែន នាយករដ្ឋមន្ត្រីនៃព្រះជាណាចក្រកម្ពុជា បានសួរនាំដល់រកវត្តមាន វិរៈសិល្បករអាយ៉ៃ ព្រហ្ម ម៉ាញ និងសួរនាំពីស្ថានភាពសុខភាពរបស់លោកផងដែរ។
សម្តេចតេជោ ហ៊ុន សែន បានលើកឡើងថា សម្តេចបានផ្តល់ថវិកាចំនួន៣ម៉ឺនដុល្លារជូនវិរៈសិល្បករអាយ៉ៃ ព្រហ្ម ម៉ាញ ក្នុងការប្រើប្រាស់សម្រាប់ព្យាបាលសុខភាព។ ភ្លាមៗនេះ ព្រហ្ម ម៉ាញ បានចេញមុខប្រាប់ទៅកាន់សម្តេចតេជោ ហ៊ុន សែន វិញថា ថវិការដែលលោកទទួលបាននោះ គឺតែ ២ម៉ឺនដុល្លារប៉ុណ្ណោះ ហើយការដែលលោកក្រោកឡើងទៅមុខអះអាងចំពោះមុខ សម្ដេចតេជោ បែបនេះ នោះក៏ព្រោះតែភរិយារបស់លោក ក៏បានមកចូលរួមដែរ ដើម្បីកុំឱ្យមានពាក្យថាលោកនិយាយកុហកភរិយា។
ជាមួយគ្នានោះដែរ សម្តេចក៏បានសុំទោសចំពោះលោក ព្រហ្ម ម៉ាញ ដែលនិយាយខុសថា ការផ្តល់ថវិកាចំនួន៣ម៉ឺនដុល្លារផងដែរ តែតាមពិតសម្តេចផ្តល់២ម៉ឺនដុល្លារប៉ុណ្ណោះសម្រាប់ការព្យាបាលជំងឺ ។ សម្ដេចលើកឡើងថា «បើលោកនិយាយខុស ក៏លោកធ្វើការសុំទោសដែរ»។ ឆ្លៀតក្នុងឱកាសនោះដែរ លោកព្រហ្ម ម៉ាញ ស្នើសុំសម្តេចតេជោ ហ៊ុន សែន ឡើងស័ក្តិ ខណៈទើបតែទទួលបានគោរមងាថ្មីៗ។
គេនៅចាំបានថា នាថ្ងទី១១ ខែមេសា ឆ្នាំ២០២២ ប្រមុខរដ្ឋស្ដីទី សម្ដេចវិបុលសេនាភក្ដី សាយ ឈុំ ត្រាស់បង្គាប់ផ្ដល់គោរមងារកិត្តិយសនៃរាជបណ្ឌិត្យសភាកម្ពុជា ជូនវិរៈសិល្បករអាយ៉ៃ ព្រហ្ម ម៉ាញ ជា «កិត្តិឧទ្ទេសបណ្ឌិត»។
ដោយឡែកសម្តេចក៏មានប្រសាសន៍តបបែបកំប្លែងសើចថា បើចង់បានទាល់តែផ្តល់ឱ្យនៅពេលទទួលមរណភាពដែលគេហៅស័ក្តិបច្ឆាមរណៈ។ សម្តេចមានប្រសាសន៍ថា អ្នកផ្តល់ឱ្យតួនាទីមុនបែបនេះមិនងាយស្លា.ប់ទេ ។ សម្តេចតេជោ ក៏បានឱ្យដឹងថា លោកព្រហ្ម ម៉ាញ សព្វថ្ងៃឈ្មោះនៅក្នុងកងអង្គរក្សទទួលបានស័ក្តិ៥៕
អត្ថបទទាក់ទង៖
សភាពជំងឺ លោក ព្រហ្ម ម៉ាញ ធូរស្រាលបន្តិចហើយ ប៉ុន្ដែពិបាកក្រោកពិសាអាហារ
វិរៈសិល្បករអាយ៉ៃ ព្រហ្ម ម៉ាញ ចេញពីមន្ទីរពេទ្យហើយ សុខភាពល្អ ទឹកមុខស្រស់បស់ណាស់
