យោងតាមការបញ្ជាក់របស់សហព័ន្ធកីឡាបាល់ទាត់អាស៊ី (AFC) បានចេញសេចក្តីប្រកាសថាចិនសុំដកខ្លួនចេញក្នុងនាមធ្វើម្ចាស់ផ្ទះ AFC Asian Cup 2023 ខាងមុខនេះ។ មូលហេតុដែលនាំឲ្យចិន ដកខ្លួនពីការធ្វើម្ចាស់ផ្ទះដោយសារព្រួយបារម្ភបញ្ហាកូវីដ-១៩ ខណ:ការប្រកួតគ្រោងនឹងធ្វើពីថ្ងៃទី១៦ មិថុនា ដល់ថ្ងៃទី១៦ កក្កដា ២០២៣។
សូមបញ្ជាក់ថា ការប្រកួតនេះបានជ្រើសរើសប្រទេសធ្វើជាម្ចាស់ផ្ទះរួចរាល់ហើយដោយ ពូល Aប្រកួតនៅ គុយវែត, ពូល B ម៉ុងហ្គោលី, ពូល C អ៊ូបេគីស្ថាន, ពូល D ឥណ្ឌា, ពូល E ម៉ាឡេស៊ី, ពូល F នៅគីជីស្ថាន។
ខណ:ក្រុមជម្រើសជាតិកម្ពុជា ស្ថិតក្នុងពូល D ជាមួយ ឥណ្ឌា ហុងកុង និង អាហ្វហ្គានីស្ថាន នៃវគ្គជម្រុះជើងឯកប្រចាំទ្វីបអាស៊ី 2023 AFC Asian Cup ជុំទី៣។ ដោយការប្រកួតបើកឆាកគោព្រៃកម្ពុជា ត្រូវជួបម្ចាស់ផ្ទះឥណ្ឌា នៅថ្ងៃទី៨ ខែមិថុនា ឆ្នាំ២០២២ ក្នុងកីឡដ្ឋាន Vivekananda Yuba Bharati Krirangan ក្នុងទីក្រុង Kolkata នៅប្រទេសឥណ្ឌា។
ខាងក្រោមគឺជាបញ្ជីឈ្មោះក្រុមទាំង៧ពូល ដោយត្រូវជម្រុះយក១១ក្រុម ដោយយកលេខ១ ប្រចាំពូលនីមួយៗ និងលេខ២ ល្អក្នុងពូលចំនួន៥ក្រុម៖
ពូល A ៖ ហ្ស៊កដានី គុយវ៉ែត ឥណ្ឌូនេស៊ី និង នេប៉ាល់
ពូល B ៖ ប៉ាឡេស្ទីន ហ្វីលីពីន យេម៉ែន និង ម៉ុងហ្គោលី
ពូល C ៖ អ៊ូសបេគីស្ថាន, ថៃ, ម៉ាល់ឌីវ និង ស្រីលង្កា
ពូល D ៖ ឥណ្ឌា ហុងកុង អាហ្វហ្គានីស្ថាន និង កម្ពុជា
ពូល E ៖ បារ៉ែន តូមិននីស្ថាន ម៉ាឡេស៊ី និង បង់ក្លាដែស
ពូល F ៖ សាធារណរដ្ឋកៀហ្ស៊ីស៊ីស្ថាន តាជីគីស្ថាន មីយ៉ាន់ម៉ា និង សិង្ហបុរី៕
