ហូលីវូដ – ភាពយន្តហូលីវូដ «Doctor Strange in the Multiverse of Madness» បានបន្តឈរលើកំពូលតារាង Box office នៅក្នុងសប្ដាហ៍ទីពីរនៃការបញ្ចាំងនៅតាមរោងភាពយន្តនានា ដោយរកបានចំណូលសរុប៦៧៧,៧ លានដុល្លារសហរដ្ឋអាមេរិក នៅទូទាំងពិភពលោក។
យោងតាមសារព័ត៌មាន the Variety បានឱ្យដឹងថាភាពយន្ត «Doctor Strange 2» រកចំណូលបាន៦១លានដុល្លារពីអាមេរិកខាងជើងកាលពីសប្ដាហ៍កន្លងទៅ ដែលចំនួននេះគឺថយចុះ៦៧ភាគរយ បើប្រៀបនឹងសប្ដាហ៍ដំបូងដែលបានដាក់បញ្ចាំង។
ភាពយន្ត «Doctor Strange» និយាយពីសាច់រឿងរបស់កំពូលវីរបុរស Superhero ដែលមានឈ្មោះដូចនឹងសាច់រឿង។ Doctor Strange គឺជាគ្រូពេទ្យអាមេរិកដែលទៅកាន់ប្រទេសនេប៉ាល់ ដើម្បីព្យាបាលរបួសក្រោយកើតឧប្បត្តិហេតុ ដោយក្រោយមកលោកទទួលបានសមត្ថភាពពិសេសនិងក្លាយទៅជាមេធ្មប់ដ៏មានថាមពល។ នៅក្នុងវគ្គទីពីរនេះ ភាពយន្តនេះដឹកនាំដោយ Sam Raimi ដែលធ្លាប់ដឹករឿង Spider-Man៕
ប្រភព៖ Variety
