ក្រុមបាល់ទះឆ្នេរខ្សាច់បុរស ទាំង២ក្រុមរបស់កម្ពុជា បានប្រកួតចាញ់ក្រុមហ្វីលីពីន ទាំង២ក្រុម នៅព្រឹកថ្ងៃអង្គារ ទី១៧ ខែឧសភា ឆ្នាំ២០២២ នេះក្នុងវគ្គសន្សំពិន្ទុពូល A នៃព្រឹត្តិការណ៍កីឡាស៊ីហ្គេមលើកទី៣១ នៅប្រទេសវៀតណាម។
ដោយឡែកម្សិលមិញនេះ នារសៀលថ្ងៃចន្ទ ទី១៦ ខែឧសភា ឆ្នាំ២០២២ ក្រុមបាល់ទះឆ្នេរខ្សាច់ របស់កម្ពុជាទាំងក្រុមទី១ និងក្រុមទី២បានយកឈ្នះលើក្រុមរបស់សិង្ហបុរីទាំង២ក្រុម ក្នុងវគ្គសន្សំពិន្ទុពូល A។
