សារព័ត៌មានត្រយងបានទទួលព័ត៌មានបឋមមកថា តារាសម្ដែងជើងចាស់ គន្ធ តារាវណ្ណ ធ្លាក់ខ្លួនឈឺធ្ងន់ និងកំពុងសម្រាកព្យាបាលនៅក្នុងមន្ទីរពេទ្យមួយកន្លែង។ យ៉ាងណាមិញ ប្រភពនៅមិនទាន់បញ្ជាក់នៅឡើយទេថា លោកមានជំងឺអ្វី?
ប្រភពពីហ្វេសប៊ុក Kun Chivon បានរៀបរាប់ទាំងស្រុងថា ៖ «សូមទេវតាវត្ថុស័ក្តសិទ្ធិជួយអោយលោកឪពុកខ្ញុំឆាប់ជាសះស្បើយពីជំងឺ និងរឹងមាំឡើងវិញ គាត់កំពុងស្ថិតក្នុងស្ថានភាពធ្ងន់ធ្ងរ 🥺 ប្រឡូកក្នុងវិស័យសិល្បះភាពយន្តតាំងពីឆ្នាំ១៩៨៦ គាត់ឈ្មោះ គន្ធ តារាវណ្ណ »។
សូមជម្រាបថា លោក គន្ធ តារាវណ្ណ ជាតារាសម្ដែងជើងចាស់មួយរូប ជំនាន់លោកគង់ សុភី លោកចៅ ចាន់ណារី លោកយស បូវណ្ណៈ អ្នកនាងអម្ពរ ទេវី អ្នកនាងចាន់ តារាទី លោកខៃ ប្រសិដ្ឋ អ្នកនាង សុខ ស្រីមុំ និងអ្នកនាងពិសិដ្ឋ ពិលិកា ជាដើម ។ លោកបានចាប់ផ្ដើមចូលប្រឡូកក្នុងពិភពសិល្បៈសំដែងតាំងពីឆ្នាំ១៩៨៦ នៅវ័យ ៥៣ឆ្នាំ។ លោកធ្លាប់ចូលរួមសំដែងក្នុងខ្សែភាពយន្ដរឿងសម័យ និង បុរាណប្រហែលជា១៧០រឿង ។ ក្រោយមកលោកក៏បានផ្អា្កកពីការងារសិល្បៈខ្លះ ហើយមកបម្រើការងារក្នុងជួរមន្ត្រីរាជការ ជាមន្ដ្រីយោធាថ្នាក់ឧត្ដមសេនីយ៍ទោ ផ្កាយពីរ។
រហូតមកទល់សព្វថ្ងៃនេះ លោក គន្ធ តារាវណ្ណ គេឃើញការសម្ដែងរបស់លោកតាមរយៈខ្សែវីដេអូភាគ និងរឿងខ្លីបែបអប់រំ់ផ្សាយតាមកញ្ចក់ទូរទស្សន៍ម្ដងម្កាល៕
