មុននេះបន្តិច សារព័ត៌មានត្រយងទទួលដំណឹងមកថា តារាកំប្លែង ពែកមី បានប្រកាសនៅលើហ្វេសប៊ុករបស់លោកដែលមានឈ្មោះ ចែម ចាន់រ៉ា ថា លោកនឹងលាឈប់ពីទូរទស្សន៍ CTN ព្រោះហេតុផលមិនពេញចិត្តចំពោះការដឹកនាំរបស់អ្នកគ្រប់គ្រងថ្មី ។
ពែកមី បានសរសេរសារទាំងស្រុងថា ៖ «
ខ្ញុំប្រហែលជាត្រូវឈប់ពីសុីធីអិនហេីយបងប្អូន 
បេីមិនក្រុមហ៊ុនដកចេញ ក៏ឈប់ខ្លួនឯងដែ ដោយសារខ្ញុំមិនពេញចិត្តការដឹកនាំរបស់អ្នកគ្រប់គ្រងថ្មី 
ខ្ញុំមិនចង់ចាកចេញពីសុីធីអិនដែលជាផ្ទះ ជាកន្លែងផ្តល់កំណេីតសិល្បះអោយខ្ញុំទេ តែខ្ញុំសុខចិត្តចេញមុខតវ៉ាខ្លះ នៅរឿងដែលរិតត្បិតតឹងតែងពេក ធ្វេីអោយបុគ្គលិកមានសម្ពាធ សង្ឃឹមថាកាឈប់របស់ខ្ញុំ នឹង អ្នកកំប្លែងផ្សេងទៀត អាចធ្វេីអោយអ្នកគ្រប់គ្រងថ្មីគាត់មានកាបន្ធូបន្ថយ នៅច្បាប់ថ្មីដែលតឹងតែងរបស់គាត់ខ្លះ ដេីម្បីបុគ្គលិកដែលនៅគាត់បានសុខសប្បាយមិនសូវមានសម្ពាធ សូមអរគុណ »។
សារព័ត៌មានត្រយងកំពុងទាក់ទងសុំការសម្ភាសន៍បំភ្លឺបន្ថែមពីលោក ពែកមី ដើម្បីជម្រាបជូនមហាជនអ្នកគាំទ្រ៕
