តារា​សិល្បៈ​ជា​ច្រើន​ដួង​ លើក​ម្រាម​ដៃ​ ១ ​ប្រឡាក់​ទឹក​ថ្នាំ​បង្ហាញ​ពី​សិទ្ធ​ប្រជាពលរដ្ឋ​ចូល​រួម​បោះឆ្នោត​ឃុំ-សង្កាត់​

ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ បានចាប់ផ្តើមនៅព្រឹកមិញនេះ គេសង្កេតឃើញមានតារាសិល្បៈជាច្រើនដួង សម្រុកទៅបោះឆ្នោត ហើយបន្ទាប់ពីនោះ ពួកគេក៏បានថតរូបភាពលើកម្រាមដៃ ១ ក្នុងការបង្ហាញពីសិទ្ធប្រជាពលរដ្ឋ និងកាតព្វកិច្ចចូលរួមបោះឆ្នោត។

យោងតាមគណៈកម្មការរៀបចំការបោះឆ្នោតបានឱ្យដឹងថា ការបោះឆ្នោតចាប់ផ្តើមពីម៉ោង ៧ព្រឹក រហូតដល់ម៉ោង ៣រសៀល។ ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥នេះ មានគណបក្សនយោបាយចំនួន១៧ បានចូលរួមប្រកួតប្រជែង ដោយបានដាក់បេក្ខជនក្រុមប្រឹក្សាឃុំ-សង្កាត់សរុប ៨៦,០៩២នាក់ ស្ត្រី ២៧,៨១៣នាក់។ ដោយឡែកឃុំ-សង្កាត់ ក្នុងអាណត្តិទី៥នេះ មានចំនួន១,៦៥២ ហើយចំនួនក្រុមប្រឹក្សាឃុំ-សង្កាត់ ដែលនឹងត្រូវជ្រើសរើសមកបម្រើការងារក្នុងឃុំ/សង្កាត់ទាំងអស់នេះ មានចំនួន ១១,៦២២រូប។

យ៉ាងណាមិញ ចង់ដឹងថា មានតារាណាខ្លះបានចូលរួមកាលពីព្រឹកមិញនេះ សូមតាមដានរូបភាពខាងក្រោមនេះ៖