ពូឃ្លាំង​៖ អាច​ត្រលប់​មក​ច្រៀង​​ចម្រៀង​បាន​ល្បីល្បាញ​ឡើង​វិញ​​ ព្រោះ​បាន​​កម្លាំង​ចិត្ត​ពី​មនុស្ស​សំខាន់​២​នាក់​

ពូឃ្លាំង បានស្ងាត់បាត់មុខពីពិភពសិល្បៈមួយរយៈធំ ធ្វើឱ្យអ្នកគាំទ្រលោកសឹងតែគិតថានឹងមិនមានឱកាសបានស្ដាប់សំឡេងរបស់លោកទៀតនោះឡើយ។ ប៉ុន្តែថ្មីៗនេះអតីតតារាចម្រៀងរ៉ែបល្បីល្បាញរូបនេះបានត្រលប់មកប្រឡូកចូលក្នុងពិភពសិល្បៈឡើងវិញ។ លោក បានលើកឡើងថាលោកត្រលប់មកច្រៀងឡើងវិញនេះព្រោះមានកម្លាំងចិត្តពីមនុស្សសំខាន់ចំនួន២នាក់ជាអ្នកជំរុញលើកទឹកចិត្តលោក។

នៅថ្ងៃទី៦ ខែមិថុនា ដែលចំនឹងថ្ងៃកំណើតកូនប្រុសរបស់លោក ពូឃ្លាំង បានបង្ហោះសារជូនពរកូនប្រុសរបស់លោក ថែមទាំងរៀបរាប់ទៀតថាកូនប្រុសតូចវ័យ៦ឆ្នាំរូបនេះ រួមនឹងភរិយារបស់លោកគឺជាអ្នកជំរុញនិងលើកទឹកចិត្តលោកខ្លាំង ទើបធ្វើឱ្យលោកមានកម្លាំងចិត្តត្រលប់មកច្រៀងឡើងវិញ។ លោកបានសរសើរចំពោះភរិយាលោកដែលសុខចិត្តហត់នឿយ កាន់មុខជំនួញតែម្នាក់ឯងដើម្បីអាចឱ្យលោកមានពេលបានផលិតបទចម្រៀងថ្មីៗ។ ចំណែកកូនប្រុសតូច Lofee ក៏ចង់ឃើញលោកឡើងឆាកច្រៀងដោយផ្ទាល់ដែរ ព្រោះពេលដែលលោកល្បីនិងមានសំឡេងហោរអបអរសាទរមិនទាន់មានវត្តមានរបស់គេឡើយ។

«អ្នកទាំងទាំង2 នេះហេីយ ដែលជាអ្នកជំរុញចិត្តរបស់ខ្ញុំខ្លាំង អោយត្រលប់មកលេីវិស័យចំរៀងម្តងទៀត…ប្រពន្ធខ្ញុំចង់ឃេីញប្តីធ្វេីអ្វីដែលសប្បាយចិត្ត លេីកទឹកចិត្តខ្ញុំ ទុកពេលអោយខ្ញុំសំរាប់ផលិតបទថ្មីៗ សុខចិត្តមេីលខុសត្រូវមុខជំនួញទាំងអស់ម្នាក់ឯង កូនវិញតែងតែនិយាយថា ប៉ាប៉ា កូនចង់ឃេីញប៉ាឡេីងលេីឆាកដោយផ្ទាល់ ព្រោះពេលប៉ាឡេីងលេីឆាកលេីកមុន នឹងមានសំលេងទះដៃ ហ៊ោរខ្លាំងណាស់ អត់ទាន់មានកូនផង នេះហេីយជាកំលាំងចិត្ត បូករួមទាំងបងប្អូនខ្មែរទាំងអស់គ្នាដែលនៅតែចូលចិត្ត តែងតែសួពេលណាចេញបទថ្មី? សូមអោយខ្ញុំចេញបទថ្មី នឹងត្រលប់មកលេីវិស័យនេះម្តងទៀត….តេីពូមីងទាំងអស់គ្នា មានអី្វជូនពរទៅ អូន Lofee ទេ?»

អត្ថបទពាក់ព័ន្ធពូឃ្លាំង ៖