TVN នៅតែបន្តបុកផ្សព្វផ្សាយភាពយន្តភាគថ្មី «EVE» ដោយប្រើប្រាស់ឈុតស្រើបស្រាល (Rate R) កម្រិត១៩+ របស់តួស្រី Seo Ye Ji មកផ្សព្វផ្សាយទោះជាមានមតិអវិជ្ជមានពីអ្នកទស្សនាក្ដី។
«EVE» គឺជាភាពយន្តដំបូងដែល Seo Ye Ji ត្រលប់មកសម្ដែងឡើងវិញបន្ទាប់ពីរងព្យុះភ្លៀងរឿងអាស្រូវបោកបក់ជីវិតមួយដំណំនាពេលកន្លងមក។ រឿងនេះនិយាយពីសាច់រឿងរបស់ស្រ្តីម្នាក់ដែលជីវិតនាងលះបង់គ្រប់យ៉ាងដើម្បីសងសឹក។ រឿងនេះមួយភាគ និងភាគទីពីរសាច់រឿងនេះតម្រូវឱ្យអ្នកទស្សនាមានអាយុចាប់ពី ១៩ឆ្នាំឡើងទើបអាចទស្សនាបាន ព្រោះសាច់រឿងមានឈុតឆាកស្រើបស្រាលខ្លាំងរវាងតួអង្គរបស់ Seo Ye Ji និង Lee Ha Yool , Park Byeong Eun និង Yoo Sun។
ថ្វីត្បិតតែរឿងទាំងមូលអ្នកទស្សនាដែលមានអាយុចាប់ពី១៥ឆ្នាំអាចទស្សនាបានប៉ុន្តែភាគចំនួនពីរដូចបានរៀបរាប់ខាងលើនេះ ហាក់ទទួលបានមតិសរសើរនិងរិះគន់លាយឡំគ្នាពីអ្នកទស្សនា។ ក្នុងចំណោម៤ភាគដែលបញ្ចាំងនៅថ្ងៃទី៦ មិថុនា មានមួយភាគដែលតម្រូវឱ្យអ្នកទស្សនាមានអាយុចាប់ពី ១៩ឆ្នាំឡើង។
ភាពយន្តភាគ «EVE» ចាក់ផ្សាយជូនទស្សនារៀងរាល់ថ្ងៃពុធនិងព្រហស្បតិ៍ វេលាម៉ោង ១០និង៣០នាទីយប់៕
