នាយករដ្ឋមន្រ្តីតៃវ៉ាន់ លោក Su Tseng-chang បាននិយាយកាលពីថ្ងៃអាទិត្យសប្ដាហ៍មុននេះថា តៃវ៉ាន់មិនចង់បិទទ្វារទំនាក់ទំនងជាមួយចិនទេ ហើយសុខចិត្តចូលរួមក្នុងស្មារតីសុច្ឆន្ទៈ ប៉ុន្ដែត្រូវឈរលើមូលដ្ឋានស្មើភាព និង គ្មានលក្ខខណ្ឌនយោបាយ។
ទំនាក់ទំនងរវាងទីក្រុងតៃប៉ិ និង ទីក្រុងប៉េកាំង ដែលទាមទារដោយលទ្ធិប្រជាធិបតេយ្យ គ្រប់គ្រងតៃវ៉ាន់ជាទឹកដីរបស់ខ្លួន ស្ថិតក្នុងកម្រិតទាបបំផុតក្នុងរយៈពេលជាច្រើនទសវត្សរ៍ ដោយប្រទេសចិនបានបង្កើនសម្ពាធផ្នែកនយោបាយ និង យោធា ដើម្បីឲ្យកោះនេះទទួលយកអធិបតេយ្យភាពរបស់ខ្លួន។
នៅឯកិច្ចប្រជុំសន្តិសុខ Shangri-La នៅសិង្ហបុរីនាថ្ងៃអាទិត្យ រដ្ឋមន្រ្តីការពារជាតិចិនបាននិយាយថា រដ្ឋាភិបាលចិនបានស្វែងរក «ការបង្រួបបង្រួមដោយសន្តិភាព ជាមួយតៃវ៉ាន់ ប៉ុន្ដែតៃវ៉ាន់បែរជាជ្រើសរើសយកជម្រើសផ្សេងទៀត»។ លោកបន្ដថា ទាក់ទិននឹងករណីនេះប្រទេសចិនបានប្រកាសនាពេលថ្មីៗនេះហើយថា ខ្លួននឹងវាយប្រហារភ្លាមៗ បើកោះតៃវ៉ាន់ហ៊ានប្រកាសឯករាជ្យ។
ថ្លែងទៅកាន់ក្រុមអ្នកសារព័ត៌មានបន្ទាប់ពីប្រទេសចិនបានហាមឃាត់ការនាំចូលត្រីពីកោះតៃវ៉ាន់ដោយហេតុផលសុវត្ថិភាព លោក Su បានបញ្ជាក់អំពីគោលជំហរបស់លោកស្រី Tsai Ing Wen ម្ដងទៀតថា តៃវ៉ាន់តែងតែមាន បំណងល្អចំពោះចិន ហើយថា «ដរាបណាមានសមភាព, ភាពស្មើគ្នានៃទំនាក់ទំនងទៅវិញទៅមក និងគ្មានលក្ខខណ្ឌនយោបាយ ពោលគឺតៃវ៉ាន់មានឆន្ទៈក្នុងការទំនាក់ទំនង ដោយសុឆន្ទៈជាមួយចិន»៕
