ការប្រគំតន្ត្រីសម្ពោធអាល់ប៊ុម “Three Brothers” ដែលជាអាល់ប៊ុមវិលត្រលប់ជាថ្មីរបស់ក្រុមតន្រ្តី SUFFER បានធ្វើឡើងនៅថ្ងៃទី ១២ ខែ មិថុនា ក្នុងបរិវេណ AEON HALL SEN SOK ដែលមានការរៀបចំដោយ ផលិតកម្ម រណ្តំ និងគាំទ្រដោយ PLENG។
ហ្វេនអ្នកគាំទ្រជាច្រើននាក់ ពិតជាសប្បាយស្រែកហ៊ោ រាំកញ្ជ្រោកជាមួយបទចម្រៀង Rock ញាក់ៗ ដែលបងប្អូនប្រុស ៣នាក់នេះ លេងមួយចាស់ដៃនៅលើឆាកដ៏អស្ចារ្យ។
ក្នុងអាល់ប៊ុមនេះដែរ មានចម្រៀងចំនួន៧បទ បែបផប់រ៉ក បង្ហាញពីភាពតស៊ូ អត់ធ្មត់ និងក្ដីស្រម៉ៃនានាក្នុងនាមជាបងប្អូនប្រុសបីនាក់ដែលចូលចិត្តស្រលាញ់តន្រ្តីដូចគ្នានិងបានធ្វើការរួមគ្នាលើវិថីតន្រ្តីជាលក្ខណៈក្រុមអស់រយៈពេលជាង១០ឆ្នាំកន្លងមក ទោះបីជាមានឧបសគ្គ និងកត្តារាំងស្ទះយ៉ាងណាក្ដី។
សមាជិកក្រុមតន្រ្តី SUFFER សុទ្ធតែជាកំឡោះសង្ហាៗ ដែលកំពុងទាក់បេះដូងហ្វេន រួមមាន លោកសុខ សារ៉ាដាំ ជាអ្នកលេងហ្គីតាបាស់ លោកសុខ សារ៉ាដា ជាដៃស្គរ និងលោកសុខ សារ៉ាដែនជាអ្នកចម្រៀង និងអ្នកលេងហ្គីតាផងដែរ។ ពួកគេតាំងចិត្តចែករំលែកបទពិសោធន៍ជិវិត និងការអត់ធ្មត់ក្នុងនាមជាសិល្បៈករ និងពួកគេ។
ហ្វេនអ្នកគាំទ្រទាំងអស់ អាចបន្តស្ដាប់អាប៊ុមបទចម្រៀងថ្មីរបស់ក្រុម SUFFER គ្រប់បទនៅលើភ្លេងបានផងដែរ និងអាចដោនឡូតនូវបទចម្រៀងដែលអ្នកពេញចិត្តខ្លាំងបំផុតពីក្រុម SUFFER៕
សូមទស្សនាវីដេអូ Top News ៖
