នាយករដ្ឋមន្រ្តីថ្មីអូស្រ្តាលីបាននិយាយនាថ្ងៃ អង្គារ នេះថា ប្រទេសចិនចាំបាច់ត្រូវលុបចោលទណ្ឌកម្មរបស់ខ្លួនលើប្រទេសអូស្រ្តាលី ដើម្បីធ្វើឲ្យទំនាក់ទំនងកាន់តែប្រសើរឡើង ខណៈដែលលោកបានលើកឡើងថាជា «រឿងល្អ» ដែលជាកិច្ចពិភាក្សាលើកដំបូងរវាងរដ្ឋមន្រ្តីនៃប្រទេសទាំង២ ក្រោយខកខានជិត ៣ឆ្នាំ និង កត់សម្គាល់ពីសារសំខាន់នៃពាណិជ្ជកម្មជាមួយចិនសម្រាប់សេដ្ឋកិច្ចអូស្រ្តាលី។
ប្រទេសចិនគឺជា ដៃគូពាណិជ្ជកម្មដ៏ធំបំផុតរបស់អូស្រ្តាលី និង ជាអតិថិជនដ៏ធំបំផុតសម្រាប់រ៉ែដែករបស់ខ្លួន ដែលជាអ្នករកចំណូលបានពីការនាំចេញធំបំផុត ប៉ុន្ដែទំនាក់ទំនងការទូតមានបញ្ហាអសកម្មក្នុងរយៈពេលប៉ុន្មានឆ្នាំថ្មីៗនេះ។
ក្នុងការដាក់ទណ្ឌកម្មរបស់ខ្លួន ចិនបានដាក់ទណ្ឌកម្មដែលមានក្នុងចំពោះបញ្ជី ១៤ ដូចជា៖ ការអំពាវនាវឲ្យមានការស៊ើបអង្កេតអន្តរជាតិជុំវិញប្រភពដើមនៃជំងឺកូវីដ១៩ របស់អូស្រ្តាលី បំរាមលើក្រុមហ៊ុនទូរគមនាគមន៍ Huawei ដែលមានបណ្ដាញ 5G និង ពិនិត្យមើលលើការវិនិយោគបរទេសសម្រាប់ហានិភ័យសន្តិសុខជាតិជាដើម។
នាយករដ្ឋមន្រ្តីថ្មីរបស់ប្រទេសអូស្រ្តាលី លោក Anthony Albasnese បានប្រាប់អ្នកយកព័ត៌មាននៅទីក្រុង Brisbane ថា «វាគឺជាប្រទេសចិន ដែលបានដាក់ទណ្ឌកម្មលើអូស្រ្តាលី។ ពួកគេត្រូវដកទណ្ឌកម្មទាំងនោះចេញនូវទណ្ឌកម្មទាំងនោះ ដើម្បីកែលម្អទំនាក់ទំនងឲ្យប្រសើរឡើង»។
អតីតរដ្ឋាភិបាលអូស្រ្តាលីបានពណ៌នាការដាក់ទណ្ឌកម្មរបស់ចិនលើផលិតផលកសិកម្ម និង ថាមពលរបស់ខ្លួន គឺជាការបង្ខិតបង្ខំសេដ្ឋកិច្ច។ ចំពេលមានការបង្កកការទូតអស់រយៈពេលជាច្រើនឆ្នាំរដ្ឋមន្រ្តីអូស្រ្តាលីមិនអាចរៀបចំការហៅទូរស័ព្ទជាមួយសមភាគីចិនបានទេ។
ប៉ុន្ដែរដ្ឋមន្រ្តីការពារជាតិអូស្រ្តាលី លោក Richard Marles បានជួបសមភាគីចិន លោក Wei Fenghe នៅក្រៅសន្និសីទសន្តិសុខក្នុងប្រទេសសិង្ហបុរីកាលពីថ្ងៃ អាទិត្យ ដោយលោក Marles បានជួបពិភាក្សារយៈពេល ១ម៉ោង ដោយថាជា «ជំហានដំបូងដ៏សំខាន់»៕
