ស្រីលង្កាមិនត្រឹមតែជួបប្រទះនូវវិបត្តិស្បៀងអាហារប៉ុណ្ណោះទេ ប្រទេសនេះក៏ជួបប្រទះនូវវិបត្តិសេដ្ឋកិច្ចធ្ងន់ធ្ងរដែរ ដោយបង្ខំឲ្យរដ្ឋាភិបាលចាត់វិធានការមិនធម្មតា ដើម្បីរៀបចំស្បៀងអាហារទុកសម្រាប់កង្វះខាតនាពេលខាងមុខ។
ប្រទេសមួយនេះបានប្រកាសកាត់បន្ថយ ថ្ងៃធ្វើការមួយសប្ដាហ៍៣ថ្ងៃ គឺ ១សប្ដាហ៍បុគ្គលិកតាមក្រុមហ៊ុន សហគ្រាស អាចធ្វើការតែ ៤ថ្ងៃ ប៉ុណ្ណោះ ខណៈដែលបុគ្គលិកធ្វើការនៅក្នុងក្រុមហ៊ុនឯកជនបច្ចុប្បន្នមានចំនួនត្រឹមតែ ១លាននាក់ប៉ុណ្ណោះ ធៀបទៅនឹងពលរដ្ឋស្រីលង្កាសរុបចំនួន ២២លាននាក់។ ដូច្នេះរៀងរាល់ថ្ងៃ សុក្រ ពួកគេអាចយកពេលវេលានេះ ដើម្បីដាំដំណាំនៅតាមស្រែចំការ និង ចិញ្ចឹមសត្វជំនួសវិញ។
ការផ្លាស់ប្ដូរថ្ងៃសម្រាកនេះ ត្រូវបានគេរំពឹងថា នឹងផ្ដល់អាហារគ្រប់គ្រាន់ ហើយអាចកាត់បន្ថយការប្រើប្រាស់ប្រេងឥន្ទនៈ និង ឧស្ម័នហ្គាសធម្មជាតិ។
សូមជម្រាបថា ស្រីលង្កាបានជួបប្រទះនូវបញ្ហាសេដ្ឋកិច្ចធ្ងន់ធ្ងរ ដែលធ្វើឲ្យប្រជាជនរបស់ខ្លួនរងទុក្ខវេទនា ដោយសារតែប្រទេសនេះខ្វះខាតនូវស្បៀងអាហារ ប្រេងឥន្ទនៈ និង ថ្នាំពេទ្យ ដែលចំនួនទុកបម្រុងធ្លាក់ចុះកាន់តែខ្លាំងឡើង៕
