ភ្នំពេញ៖ជនសង្ស័យ២នាក់ដែលជាមុខសញ្ញាឆក់យ៉ាងសកម្មនៅចំណុចស្ពានអាកាសស្ទឹងមានជ័យ ត្រូវកម្លាំងជំនាញនាយកដ្ឋានចុះល្បាតតាមដងផ្លូវ២៧១ សង្កាត់បឹងទំពុនទី១ ខណ្ឌមានជ័យ រាជធានី ភ្នំពេញ ឃាត់ខ្លួនបាននៅព្រឹកថ្ងៃទី២១ខែមិថុនាឆ្នាំ២០២២នេះ ។
យោងតាមរបាយការណ៍សមត្ថកិច្ចដែលក្រុមការងារអ្នកសារព័ត៌មានទទួលបាន បានឲ្យដឹងថា ខណៈដែលកម្លាំងនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ បានដឹកនាំកម្លាំងជំនាញនាយកដ្ឋានចុះល្បាតតាមក៏ប្រទះឃើញ ជនសង្ស័យ ជិះម៉ូតូជាច្រើនគ្រឿង បានធ្វើសកម្មភាពឆក់កាបូបស្ពាយពីនារីរងគ្រោះកំពុងជិះម៉ូតូម៉ាកហុងដាzoomer ម្នាក់ឯង បានសម្រេច កាលវេលាម៉ោង៩និង២០ថ្ងៃទី១៦ខែមិថុនាឆ្នាំ២០២២។ ពេលនោះកម្លាំងជំ នាញ បានប្រដេញរហូតដល់ចំណុចផ្លូវ២៧១កែងផ្លូវ១៥៦ សង្កាត់ ទឹកល្អក់២ ខណ្ឌទួលគោក រាជធានី ភ្នំពេញ ទើបឃាត់ខ្លួនជនសង្ស័យចំនួន០២នាក់។
សមត្ថកិច្ចបានអោយដឹងថាជនសង្ស័យដែលឃាត់ខ្លួនបានទី១.ឈ្មោះ គីម ឡុងភេទប្រុស អាយុ១៧ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ៣៩BT ផ្លូវ លេខ៧៧ សង្កាត់បឹងទំពុនទី១ ខណ្ឌ មានជ័យ រាជធានី ភ្នំពេញ ២.ឈ្មោះ ប៉ែត ដារ៉ា ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ផ្លូវមិនចាំលេខ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
សម្ភារៈដែលសមត្ថកិច្ចដកហូតរួមមាន:
-ម៉ូតូម៉ាកហុងដាស្តុបពី ពណ៌ស ពាក់ស្លាក លេខ ភ្នំពេញ 1IS-5229
-ម៉ូតូម៉ាកហុងដាឌ្រីម C125 ពណ៌ខ្មៅ ពាក់ស្លាកលេខ ភ្នំពេញ 1HT-8433
-កាបូបស្ពាយពណ៌ផ្ទៃមេឃចំនួន០១(របស់ជនរងគ្រោះ)
ក្រោយការចាប់ខ្លួននោះ កម្លាំងជំនាញការិយាល័យបានសាកសួរជនសង្ស័យនិងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញចាត់ការតាមនីតិវិធី៕