សេដ្ឋកិច្ចរបស់ស្រីលង្កាបាន «ដួលរលំទាំងស្រុង» បន្ទាប់ពីកង្វះខាតស្បៀងអាហារ ប្រេងឥន្ទនៈ ថ្នាំពេទ្យ ជី និង អគ្គិសនីជាច្រើនខែ នាយករដ្ឋមន្រ្តីនៃប្រទេសនេះបានប្រាប់សមាជិកសភាថា ស្ថានភាពក្នុងប្រទេសកំពុងធ្លាក់ចុះយ៉ាងខ្លាំង ខណៈដែលស្រីលង្កាត្រូវការស្វែងរកជំនួយពីអ្នកផ្ដល់ប្រាក់កម្ចីអន្តរជាតិ។
ថ្លែងទៅកាន់សភា នាយករដ្ឋមន្រ្តីស្រីលង្កា លោក Ranil Wickremesinghe បានប្រាប់ថា ប្រជាជាតិអាស៊ីខាងត្បូងប្រឈមមុខនឹង «ស្ថានភាពធ្ងន់ធ្ងរជាងនេះ» ហើយលោកបានព្រមានអំពី «ការដួលរលំដែលអាចឈានដល់ការដួលរលំទាំងស្រុង» ដោយបន្ថែមថា ការកាត់បន្ថយទុនបម្រុងបរទេស គឺជា ផ្លូវឆ្ពោះទៅរកការស្ដារហិរញ្ញវត្ថុឡើងវិញ។
លោក Wickremesinghe បានឲ្យដឹងថា ប្រទេសស្រីលង្កាត្រូវការទំហំទឹកប្រាក់ ៥ពាន់លានដុល្លារ ដើម្បីស្ដារ និង ផ្គត់ផ្គង់សេដ្ឋកិច្ច ក៏ដូចជាតម្រូវការសំខាន់ៗ សម្រាប់រយៈពេល ៦ខែ ខាងមុខ។ លោកបន្ដថា «រៀងរាល់ ២សប្ដាហ៍ ចាប់តាំងពីការឡើងកាន់តំណែងរបស់រដ្ឋាភិបាលនេះ លោកបានចាត់វិធានការដើម្បីជូនដំណឹងដល់ប្រជាជនអំពីស្ថានភាពជាក់ស្ដែងដែលប្រទេសនេះត្រូវប្រឈមមុខ និង វិធានការដែលយើងកំពុងអនុវត្តដើម្បីដោះស្រាយ»។
កាលពីខែមេសា ស្រីលង្កាប្រកាសថា បានជំពាក់បំណុលបរទេសទាំងអស់របស់ខ្លួន ហើយប្រទេសដែនកោះដែលមានប្រជាជនជាង ២០លាននាក់នេះ បានជួបប្រទះនូវការតវ៉ាប្រឆាំងរដ្ឋាភិបាលទ្រង់ទ្រាយធំ ចំពេលមានវបត្តិសេដ្ឋកិច្ចដ៏អាក្រក់បំផុតរបស់ខ្លួន។
ហើយកាលពីពាក់កណ្ដាលខែ ឧសភា ប្រទេសនេះបានបញ្ជាក់ថា ស្រីលង្កាបានរងគ្រោះដោយសារវិបត្តិអស់ប្រេងឥន្ទនៈប្រើប្រាស់ផងដែរ បន្ទាប់ពីទុនបម្រុងរបស់ប្រទេសដែលសម្បូរអ្នកទេសចរមួយនេះ បានធ្លាក់ចុះយ៉ាងគំហុកចាប់តាំងពីជំងឺរាតត្បាតកូវីដ១៩ ដូច្នេះរាល់ការធ្វើដំណើរ និង ការផ្ញើប្រាក់ចូលប្រទេសនេះគឺមានការជាប់គាំងទៅមុខមិនរួច។
សូមជម្រាបថា ទាក់ទិននិងវិបត្តិហិរញ្ញវត្ថុនេះ គឺបានបណ្ដាលឲ្យមានការលាលែងពីតំណែងរបស់អតីតនាយករដ្ឋមន្រ្តី Wickremesinghe Mahinda Rajapaksa បន្ទាប់ពីមានការតវ៉ាដោយហិង្សា៕
