មុននេះបន្តិច លោក ចែម ចាន់ដារ៉ា ហៅពែកមី បានបង្ហោះសារជាថ្មីម្ដងទៀត បញ្ជាក់ឱ្យមហាជនបានដឹងថា ថ្ងៃនេះលោកពិតជាបញ្ចប់ការងារជាមួយស្ថានីយទូរទស្សន៍ CTN ហើយ ក៏ប៉ុន្តែលោកអះអាងថា អាជីពសិល្បៈជាតារាកំប្លែងរបស់លោក នៅតែបន្តដដែល។
លោក ពែកមី បានរៀបរាប់នៅលើហ្វេសប៊ុកថា ៖ «🙏 លាហេីយ ទីកន្លែងកំណេីតសិល្ប: របស់ខ្ញុំ 🙏CTN ធ្វេីអោយខ្ញុំមានអ្វីៗគ្រប់យ៉ាងនៅថ្ងៃនេះ 🙏 ខ្ញុំឈប់ពីសុីធីអិន តែខ្ញុំមិនឈប់ពីអាជីពសិល្ប:ខ្ញំទេ ខ្ញុំនៅតែសម្តែងតាមកម្មវិធីផ្សេងៗដដែល»។
លោក ពែកមី បានកែប្រែវាសនាជីវិតដ៏កម្សត់របស់ខ្លួន បន្ទាប់ពីចូលរួមប្រឡងនៅក្នុងកម្មវិធី «មហាកំប្លែង» ដែលរៀបចំឡើងដោយស្ថានីយទូរទស្សន៍ CTN កាលពីអំឡុងឆ្នាំ ២០០៩។ ព្រោះតែទេពកោសល្យដ៏ប៉ិនប្រសព្វ ពែកមី បានជាប់ជា តារាកំប្លែង ហើយបានក្លាយជាអ្នកកំប្លែងប្រចាំស្ថានីយទូរទស្សន៍មួយនេះ រហូតបានក្លាយជាប្រធានក្រុមកំប្លែង CTN។
