តារាចម្រៀង-អ្នកនិពន្ធទំនុកច្រៀងអង់គ្លេស Harry Style បានចេញសេចក្ដីប្រកាសនៅលើបណ្ដាញទំនាក់ទំនងសង្គម Twitter បញ្ជាក់ពីការលុបចោលការប្រគំតន្ត្រីរបស់ខ្លួននាថ្ងៃអាទិត្យនៅ Royal Arena ក្រោយពីមានមនុស្ស៣នាក់ស្លាប់ និង៣នាក់ផ្សេងទៀតរងរបួសធ្ងន់ធ្ងរក្រោយខ្មាន់កាំភ្លើងបើកការវាយប្រហារបាញ់រះក្នុងផ្សារទំនើបដ៏ធំមួយក្បែរកន្លែងប្រគំតន្ត្រីកាលពីថ្ងៃអាទិត្យម្សិលមិញនេះ។
Harry Style ៖ « ខ្ញុំឈឺចាប់ដូចគ្នានឹងបងប្អូនប្រជាជនដែលរស់នៅ Copenhagen » លោកបានបន្តទៀតថា «ខ្ញុំស្រលាញ់ទីក្រុងនេះណាស់។មនុស្សនៅទីនេះផ្ដល់នូវភាពកក់ក្ដៅនិងក្ដីស្រលាញ់។ ខ្ញុំសោកសង្រេងជាពន់ពេកសម្រាប់ជនរងគ្រោះ សាច់ញាតិ និងអ្នកគ្រប់គ្នាដែលរងផលប៉ះពាល់។ ខ្ញុំសុំទោសដែលយើងមិនអាចជួបគ្នា។ សូមមើលថែរក្សាគ្នាឱ្យបានល្អ»។
ប្រភព៖ northern-times.co.uk
