ទើបតែវិលមកប្រឡូកសិល្បៈវិញ ក្រៅពីចេញបទចម្រៀង គេស្រាប់តែឃើញ ពូឃ្លាំង ចេញមកបង្ហោះគំនិតក្នុងការរួបទើបតែវិលមកប្រឡូកសិល្បៈវិញ ក្រៅពីចេញបទចម្រៀង គេស្រាប់តែឃើញ ពូឃ្លាំង ចេញមកបង្ហោះគំនិតក្នុងការរួបរួមគ្នាបញ្ឈប់ការបរិភោគសាច់សត្វសុនខ និងជួញដូរសាច់សុនខ។ លោកបានសង្កត់ធ្ងន់ថា គួរតែយកគម្រូដាក់វិធានការវិន័យ នឹងច្បាប់យ៉ាងតឹងរឹងដូចខេត្តសៀមរាប។
ពូឃ្លាំងបានបង្ហោះនៅលើបណ្ដាញសង្គម ថែមទាំងភ្ជាប់ជាមួយរូបភាពសុនខ ថា «តោះពួកយើងនាំគ្នាបំផុសគំនិត នឹងរួមគំនិតសំរាប់អ្នកដែលស្រលាញ់សត្វសុនកទាំងអស់គ្នា ចូលរួមគ្នាបំផុសគំនិត ដោយការShare ពាក្យថា #សូមលុបបំបាត់ការលក់សាច់សុនក #សូមដាក់ទោសជនណាដែលបានទាក់សុនក»។
ពូកឃ្លាំងបានលើកឡើងបន្តទៀតថា ៖ «ខ្ញុំចង់អោយប្រទេសខ្មែរយើងទាំងមូល យកគំរូដាក់វិធានការវិន័យ នឹងច្បាប់យ៉ាងតឹងរឹងដូចខេត្តសៀមរាប តាមបទបញ្ជារបស់ បងឧត្តម TEA Seiha/ទៀ សីហា អំពីរឿងសត្វសុនខខាងលើនេះ នឹងមានការហាមឃាត់ទៅលើការលក់សាច់សុនខ ដែលខុសច្បាប់ ជាមួយការដាក់ទោសទៅដល់ អ្នកដែលដើរទាក់សុនក រាល់ថ្ងៃ ព្រោះនេះប្រៀបដូចជាអំពើចោរកម្មដែលលួចរបស់គេដូចគ្នា សុនកប្រៀបដូចជាសមាជិកគ្រួសារ នឹងទ្រព្យសម្បត្តិកឯកជនរបស់អ្នកដែលស្រលាញ់តែត្រូវគេលួចទាក់ទៅបាត់»។
ចុងក្រោយពូឃ្លាំងបានចោទជាសំណួរដើម្បីឱ្យជនត្រិះរិះពិចារណា តើគួរតែបន្តទ្រាំទទួលយកភាពអយុត្តិធម៌នេះទៀតដែលទេ? លោកថា លោករីករាយនឹងធ្វើការជាមួយក្រុមអ្នកស្រលាញ់សត្វ ក៏ដូចជាអង្គការដែលពាក់ព័ន្ធរឿងសត្វសុនកនេះ ជួយក្នុងការបំផុសគំនិត ព្រមទាំងការផ្សព្វផ្សាយអោយរឿងនេះ មានអ្នកយល់ គាំទ្រកាន់តែច្រើន៕
