ពិធីករល្បីឈ្មោះម្នាក់ក្នុងកម្មវិធី Boy One Bantheing បានទម្លាយពីរឿងរ៉ាវរបស់ Wier និង Bella តើបែកគ្នាតាំងពីពេលណា? មូលហេតុអ្វី?និងរឿងរ៉ាវលាក់លៀមបែបណាខ្លះមុនរៀបការ? ដែលវីដេអូនោះកំពុងតែបង្កការភ្ញាក់ផ្អើលនៅលើបណ្ដាញសង្គម TikTok។
មុននេះ Wier បានចេញមកប្រកាសដំណឹងល្អថាលោកត្រៀមរៀបការជាមួយតារាស្រី Vicky ជាកូនស្រីសែស្រឡាយជាអ្នករកស៊ីជំនួញធំ នៅថ្ងៃទី ១៧ ខែកក្កដា ឆ្នាំ២០២២ ក្នុងទីក្រុងទេពមហានគរ ដោយរៀបចំកម្មវិធីតូចមួយដែលមានតែគ្រួសារ និងមិត្តភ័ក្ដស្និទ្ធស្នាលចូលរួមតែប៉ុណ្ណោះ។ បន្ទាប់ពីរៀបការតារាប្រុសរូបនេះគ្រោងនឹងយកកូនភ្លាមៗ ដោយ Wier ផ្ដល់បទសម្ភាសន៍ថា លោកបានសេពគប់ស្ងាត់ៗជាមួយតារាស្រី Vicky បានរយៈពេលមួយឆ្នាំមកហើយ និងមិនចង់ចំណាយពេលយូរជាងនេះ។
តារាប្រុសរូបនេះបានបញ្ជាក់ទៀតថា ខ្លួនលោកស្គាល់គ្នាជាងមួយឆ្នាំមកហើយជាមួយមិត្តស្រីថ្មី និងបានមើលចិត្តគ្នាមកច្រើនដងដែរ ប៉ុន្តែអ្នកគាំទ្រសង្ស័យថាតាំងពីពេលប្រកាសដំណឹងបែកផ្លូវគ្នាជាមួយ Bella មកម្លេះ មិនទាន់បានមួយឆ្នាំទេ រឿងនេះធ្វើឱ្យកាន់តែសង្ស័យថា តើ Wier និង Bella បែកគ្នាយូរឆ្នាំមកហើយមែនទេ?
នៅទីបំផុត អ្នកលេងបណ្ដាញសង្គមបានចែករំលែកវីដេអូ ពិធីករល្បីឈ្មោះម្នាក់ក្នុងកម្មវិធី Boy One Bantheing ដែលចេញមុខមកវែកញែកថា កាលពីកន្លងទៅ Wier និង Bella មុនពេលធ្លាយដំណឹងចែកផ្លូវគ្នាថ្មីៗនេះ នៅក្នុងនោះមានចំណុចគួរឱ្យសង្ស័យច្រើន «ចែកផ្លូវគ្នាយូរហើយ ប៉ុន្តែទើបមកបកស្រាយពីការប្រាប់អ្នកសារព័ត៌មាន។ មុនពេលបញ្ចប់ទំនាក់ទំនងនៅឆ្នាំទី 10 Wier និង Bella ស្រឡាញ់គ្នាអស់រយៈពេល 9 ឆ្នាំ ដែលរាប់ 364 ថ្ងៃពេញ ព្រោះនៅថ្ងៃទី 2 ធ្នូ គឺជាខួបគម្រប់ 10 ឆ្នាំនៃសេចក្ដីស្នេហាពួកគេ។ ចុះហេតុអ្វី Wier ស្គាល់គ្នាជាមួយមិត្តស្រីថ្មីបាន១ឆ្នាំ?»។
ពិធីកររូបនោះបានដាក់ការសង្ស័យទៀតថា ទោះបីជាការបញ្ចប់ទំនាក់ទំនងក៏ដោយ តើតាំងពីខែកញ្ញា តុលា វិច្ឆិកា 2021 មកឬយ៉ាងណា? មានខ្លះលើកឡើងថា អ្នកទាំងពីរបែកគ្នាយូរហើយ ប៉ុន្ដែមិនទាន់បញ្ចេញឱ្យដឹង ព្រោះដោយសារអ្នកទាំងពីរជាប់កុងត្រាជាអ្នកតំណាងផលិត ថ្នាំដុសធ្មេញ និងក្រុមហ៊ុនទេសចរណ៍ក្នុងស្រុកថៃ ទើបជាហេតុមិនទាន់ទម្លាយរឿងបែកគ្នានេះ។ ចំនុចក៏ជាអ្វីដែលអ្នកគាំទ្រលើកមកពិចារណាអំពីទំនាក់ទំនងស្នេហារបស់ Wier និង Bella បានសេចក្ដីថា បែកគ្នាមួយឆ្នាំមុនមែនទេ?
