ភ្នំពេញ ៖ រថយន្ដ តូយ៉ូតា ព្រូស មួយ គ្រឿង បេីក លឿន ឆ្លង ផ្លូវ មិន គោរព ស្លាក សញ្ញា ត្រូវ រថយន្ត មួយ គ្រឿង ទៀត បុក ចំពាក់ កណ្ដាល ពេញ ទំហឹង បណ្តាល ឲ្យ រថយន្ត តូយូតា ព្រូស វិល ក្បាល ត្រលប់ ក្រោយ មួយជុំខ្ទាតទៅ ប៉ះ រថយន្ដចតទុកចោល មួយ គ្រឿងទៀត បណ្តាល ឲ្យ រង ការ ខូចខាត ។
ហេតុការណ៍នេះ កេីត ឡេីង កាលពី វេលាម៉ោង ១២ និង២០នាទីយប់រំលងអធ្រាត្រ ឈាន ចូល ថ្ងៃ ទី ៨ ខែ កក្កដា ឆ្នាំ ២០២២ ស្ថិតតាម បណ្តោយ ផ្លូវលេខ ២៤០ កែងផ្លូវ ៥៥ ក្នុងសង្កាត់ជ័យជំនះ ខណ្ឌ ដូនពេញ រាជធានី ភ្នំពេញ ។
យោង ទៅតាមប្រភព ព័ត៌មាន ពី កន្លែង កេីតហេតុ បានឲ្យដឹងថា ៖ នៅមុនពេលកើតហេតុ គេបាន ឃេីញ រថយន្ត មួយ គ្រឿង ម៉ាក TOYOTA PRIUS ពណ៌ ឈាមជ្រូក ពាក់ ស្លាកលេខ ភ្នំពេញ 2BE-5781 បេីកបរ ដោយ បុរស ម្នាក់ ធ្វើ ដំណើរ តាម បណ្ដោយ ផ្លូវលេខ ២៤០ ក្នុងទិសដៅ ពី លិច ទៅ កេីត។
លុះពេលធ្វេីដំណេីរមកដល់ត្រង់ចំណុចកេីតហេតុដោយបេីកបរ ក្នុង ល្បឿន លឿន ឆ្លង ផ្លូវ បំពាន ស្លាក សញ្ញា ថែមទាំងមិនបានប្រុងប្រយ័ត្ន ក៏ ត្រូវ បានរថយន្ត មួយ គ្រឿង ទៀត ម៉ាក Ford Rapter ពណ៌ក្រហម ពាក់ ស្លាក លេខ ភ្នំពេញ 2BD-3609 ធ្វើ ដំណើរ ឆ្លងកាត់មក តាម បណ្តោយ ផ្លូវ លេខ ៥៥ ក្នុងទិសដៅ ពី ជេីង ទៅ ត្បូង បោះពួយយ៉ង លឿន ទៅ បុករថយន្តតូយ៉ូតាព្រូស ពេញ ទំហឹង បណ្តាល ឲ្យ រថយន្ត តូយូតា រង ការ ខូចខាតក្រពឹត មួយ ចំហៀង ខាង ស្តាំ ផ្ទុះ ពោង សុវត្ថិភាព រថយន្តខ្ទាតទៅ ប៉ះ រថយន្ដ ចតទុកចោលមួយគ្រឿងទៀត បណ្តាលឲ្យ រងការតិចតួច ។ ចំណែកឯរថយន្ត ម៉ាក Ford Rapter វិញទទួលរង ការ ខូចខាត ក្រពិត កាង ខាង មុខតិចតួច តែប៉ុណ្ណោះ។
ក្រោយពេល កេីតហេតុភាគី ទាំង ពីរ បានចរចាគ្នា ដោយ ភាគី ម្ចាស់រថយន្ត ម៉ាក Ford Rapter និង រថយន្តម៉ាក TOYOTA PRIUS សម្របសម្រួលស្មេីគ្នា ដោយ សារ តែ រថយន្ត តូយ៉ូតា ព្រូស បេីក បំពាន ស្លាក សញ្ញា ។ ចំណែកឯ រថយន្ត មួយ គ្រឿងទៀតដែលរងការខូច ខាត តិចតួច ត្រូវ បានភាគីម្ចាស់ រថយន្ត តូយ៉ូតា ព្រូស ជាអ្នក ចេញសងសំណង ថ្លៃ ខូចខាតជូនដើម្បីបញ្ចប់ រឿងនៅកន្លែងកើតហេតុ ៕
អត្ថបទ៖ លី សុភ័ស្ត