ភ្នំពេញ៖ ផ្ទុះអាវុធចំនួន២ គ្រាប់ រួចគេចខ្លួនចេញទៅបាត់ស្រមោល បង្កការផ្ញាក់ផ្អេីលដល់កម្លាំងសម្ថកិច្ចចុះធ្វេីការអន្តរាគម៍ភ្លាមៗ។
ហេតុការណ៍នេះកើតឡើងនៅវេលាម៉ោង១ និង ២០ នាទីយប់រំលងអាធ្រាត្រឈានចូលថ្ងៃទី ១៨ ខែកក្កដា ឆ្នាំ ២០២២ ត្រង់ចំណុចច្រកចូលបឹងតាម៉ាតកែងនឹងផ្លូវ ៣៧១ ក្នុងសង្កាត់ដង្កោខណ្ឌដង្កោ រាជធានីភ្នំពេញ។
យោងទៅតាមប្រភពព័ត៌មានពីកន្លែងកើតហេតុបានបញ្ជាក់ដល់ក្រុមការងារឲ្យបានដឹងថា៖ នៅមុនពេលកេីតហេតុ គេបានឃើញបុរសមិនស្គាល់អត្តសញ្ញាណចំនួន២នាក់ ជិះម៉ូតូមួយគ្រឿងមិនចាំម៉ាក បានធ្វើដំណើរតាមបណ្ដោយផ្លូវ៣៧១ ក្នុងទិសដៅពីជេីងទៅត្បូងបត់ទៅផ្លូវច្រកចូលបឹងតាម៉ាត។
ខណៈពេលដែលធ្វើដំណើរមកដល់ត្រង់ចំណុចកើតហេតុខាងលើ បុរសមិនស្គាល់អត្តសញ្ញាណនោះបានដក (អាវុធខ្លី)ចំនួនមួយដើម រួចធ្វើសកម្មភាពបាញ់ទៅខាងលេីចំនួន២ គ្រាប់រួចធ្វេីដំណេីរគេចខ្លួនចេញទៅបាត់ស្រមោល។
បង្កការផ្ញាក់ផ្អេីលដល់កម្លាំងសម្ថកិច្ចបុស្ត៍នគរបាលសង្កាត់ដង្កោចុះមកកន្លែងកេីតហេតុអន្តរាគម៍ស្វែងរកសំបកកន្ទុះ បានចំនួនខ្ទង់២ គ្រាប់ ។
ក្រោយពេលកេីត កម្លាំងសម្ថកិច្ចបានប្រមូលសំបកកន្ទុះ យកទៅរក្សាទុក ដេីម្បីបេីកការស្រាវជ្រាវរកជនបង្ក ឈានដល់ការឃាត់ខ្លួនយកមកធ្វេីការសាកសួរ និងចាត់ការតាមផ្លូវច្បាប់៕
អត្ថបទ÷ លី សុភាស់