កម្មវិធីប្រឡងចម្រៀង Cambodian Idol រដូវកាលទី ៤នេះ បានឈានដល់ វគ្គ Live Show សប្ដាហ៍ទី ១ នៅថ្ងៃទី ១៧ ខែកក្កដា ឆ្នាំ២០២២នេះ ដែលនោះក្នុងនោះមានបេក្ខភាពជើងខ្លាំងទាំង ១៦ រូបបានចេញមកបង្ហាញសមត្ថភាពរៀងៗខ្លួន។ អ្វីដែលពិសេស នឹងគួរឱ្យកត់សម្គាល់ជាងគេនោះ គឺបេក្ខជន ថុល សុភិទិ ជាបេក្ខភាពលេចធ្លោរមួយរូប ដែលអាចឆាបឆក់យកបេះដូងគណៈកម្មការទាំង ៤បាន។
ក្នុងថ្ងៃ Live Show សប្ដាហ៍ទី ១ បេក្ខជន ថុល សុភិទិ លើកយកនូវបទចម្រៀងមួយបទដែលមានចំណងជើងថា «មិនអាចឃាត់ទេ» មកបកស្រាយឱ្យមហាជនអ្នកទស្សនាបានស្ដាប់ ក៏ដូចជាគណៈកម្មការបានស្ដាប់។ ការបកស្រាយរបស់ ភិទិ ពីរោះដូចចាក់ឌីសខ្លាំងពេក រហូធ្វើឱ្យគ្រប់គ្នានៅក្នុងស្ទូឌីយោស្លុងអារម្មណ៍តាម ហើយឆ្ងល់ថា បទនេះម្ចាស់សំនៀងដើមជានរណា? ។ បេក្ខជន ភិទិ បានលើកឡើងថា បទនេះជាបទលោក ម៉ម ពេជ្ជរិទ្ធ ។
ក្រៅពីមហាជនស្លុងអារម្មណ៍ជាមួយសំឡេងរបស់បេក្ខជន ថុល សុភិទិ ក្នុងនោះគណៈកម្មការទាំង ៤រូបក៏ដូចជា តែជាពិសេសអ្នកនាង ឱក សុគន្ធកញ្ញា ហាក់ដូចរំភើបចិត្តជាងគេ និងបានលើកឡើងថា «យប់នេះ ម៉ោងនេះ ខ្ញុំស្គាល់អារម្មណ៍ថាយើងស្តាប់បទចម្រៀងដែលមានក្តីសុខ ស្តាប់បទចម្រៀងដូចយើងកំពុងតែមើលអាយដល ក្នុងបេះដូង របស់យើងម្នាក់ដែលគាត់ បញ្ចេញសមត្ថភាព ហើយគាត់ច្រៀងលួចលោមអារម្មណ៍ ហើយក៏បញ្ចេញសមត្ថភាពមកធ្វើបានល្អ បងនិយាយថាបងពេញចិត្ត ភិទិ ខ្លាំងមែនទែនក្នុងយប់នេះ ខ្លាំងមែនទែន ខ្ញុំអត់ដឹងថា បងប្អូនមានអារម្មណ៍ដូចខ្ញុំក្នុងពេលឥឡូវហ្នឹងអត់ទេ ប៉ុន្តែ ខ្ញុំមានអារម្មណ៍ថា ការបញ្ចេញសមត្ថភាពច្រៀង ពេលខ្លះគ្រាន់តែច្រៀងពីរោះ មិនអាចខាបយកអារម្មណ៍ ទស្សនិកជនបានវាពិបាក ប៉ុន្តែដល់ពេល ភិទិ ច្រៀងពីរោះហើយ មានបច្ចេកទេស ដូចថារក្សា Volume ខ្លួនឯងបានល្អហើយ ខាបយកបេះដូងខ្ញុំបានក្នុងយប់នេះ..»។
យ៉ាងណាមិញ ការបង្ហាញសមត្ថិភាពបេក្ខជន ថុល សុភិទិ ក្នុងវគ្គ Live Show សប្ដាហ៍ទី ១ នេះពិតជាខ្លាំងគួរឱ្យកត់សម្គាល់ បើយើងក្រឡែកមកមើល Comment នៅក្នុងហ្វេសប៊ុកវិញមានហ្វេនជាច្រើននាក់បានព្យាករណ៍ថា បេក្ខភជន ថុល សុភិទិ អាចនឹងជាម្ចាស់ពានពិតប្រាកដ។ គេឃើញមានការលើកឡើងស្រដៀងៗគ្នាថា ៖ «ម្ចាស់ពាន100%» «រើសចម្រៀង អត់សូវមានអ្នកស្គាល់ តែពីរោះ ត្រូវសម្លេងរបស់គាត់» «ម្ចាស់ពានគឺសាក់សមបំផុត ភិទិ» «ម្ចាស់់ពានក្នុងបេះដូងខ្ញុំ» «សំលេងម្ចាស់ពាន» «បងរាជនិយាយអីចឹងឱ្យហេតុទៀតហើយបងប្អូន😅 ដូចកាលបងសួរវិចិត្រ បងរាជនិយាយថា I’m your fan ហើយបងសួរវិចិត្រលើកពាន ឥឡូវមួយទៀតហើយ😅😅 សុភិទិ ខ្ញុំគាំទ្រគាត់តាំងពីររដូវកាលមុនមិនជោគជ័យរដូវកាលនេះមកកាន់តែខ្លាំង🥰ស៊ូៗ idol សង្ឃឹមថាអាយដលហ្នឹងលើកពាន»។ នៅមានការសរសើរច្រើនទៀត ដែលហ្វេនបាននិយាយពីចិត្តរបស់ពួកគេ ក្រោយមើលឃើញពីសមត្ថិភាពពិតរបស់ ភិទិ។
ដោយឡែក នេះគ្រាន់តែជាការព្យាករណ៍របស់ហ្វេនត្រឹមសប្ដាហ៍ទី ១ តែប៉ុណ្ណោះកម្មវិធីប្រឡងចម្រៀង Cambodian Idol រដូវកាលទី ៤ នឹងតម្រូវឱ្យបេក្ខជនបង្ហាញសមត្ថិភាពជាបន្តទៀតនៅសប្ដាហ៍ក្រោយៗទៀត។ យើងនឹងរង់ចាំមើលថា តើបេក្ខជនណាមួយដែលមានភាពលេចធ្លោរជាងគេ ហើយនៅសប្ដាហ៍ក្រោយនេះ បេក្ខជន ថុល សុភិទិ អាចធ្វើល្អបានដូចសប្ដាហ៍មុនដែរទេ?
