បើតាមការបង្ហោះនៅលើគណនីហ្វេសប៊ុក Khem Sarith នៅព្រឹកថ្ងៃពុធ ទី២០ ខែកក្កដា ឆ្នាំ២០២២ នេះបានបញ្ជាក់ពីការថ្លែងអំណរគុណដល់សមាជិកក្រុមកីឡាករបាល់ទះក្លិបវិសាខា ដែលបានរៃអង្គាសប្រាក់គ្នាជួយចាក់ដីនិងធ្វើរបងនៅទីធ្លាសាលាបឋមសិក្សាតាម៉ៅ។
«ខ្ញុំបាទនាយក.នាយករងលោកគ្រូអ្នកគ្រូ គណ:កម្មការទ្រទ្រង់សាលាបឋមសិក្សាតាម៉ៅ សូមថ្លែងអំណរគុណដល់ក្រុមកីឡាករបាល់ទះសមាគមវិសាខា ដូចមានរាយនាមឈ្មោះក្នុងតារាងខាងក្រោមដែលបានឧបត្ថម្ភទឹកប្រាក់ចំនួន 460.000៛ សម្រាប់ចាក់ដីនិងធ្វើរបងក្នុងទីធ្លាសាលាបឋមសិក្សាតាម៉ៅ។ សូមជូនពរក្មួយៗនិងក្រុមគ្រួសារជួបប្រទះនូវពុទ្ធពរទាំង៤ប្រការគឺអាយុ វណ្ណ: សុខ: ពល:កុំបីឃ្លៀងឃ្លាតឡើយ»។ នេះខ្លឹមសារនៃសំណេរលើហ្វេសប៊ុក។
