មិននិយាយចំៗ ប៉ុន្តែសាររបស់ Judge ណុប បាយ៉ារិទ្ធ លើបណ្ដាញសង្គម ទំនងជាសំដៅដល់អ្នកដែលចូលចិត្ត Bully ឬនិយាយរឿងឥតប្រយោជន៍័ ម្យ៉ាងក៏ប្រហែលជាសារចង់លើកឡើងពីបញ្ហាក្ដៅគគុកដែលកំពុងតែចម្រូងចម្រាសគ្នារបស់បេក្ខជន ស៊ឹម ច័ន្ទពន្លឺ ដែលមានមតិខ្លះលើកឡើងថា បេក្ខជនរូបនេះមានគណៈកម្មការ Backup (នៅពីក្រោយខ្នង) ទើបជាប់ឆ្នោតមិនធ្លាក់សោះ ក៏ថាបាន។
ការលើកឡើងរបស់លោក ណុប បាយ៉ារិទ្ធិមានខ្លឹមសារទាំងស្រុងថា៖ «កុំប្រញាប់វាយតម្លៃឬតិទៀនអ្នកដទៃប្រសិនបើអ្នកខ្លួនឯងមិនទាន់ឥតខ្ចោះនៅឡើយ ហើយប្រើពេលដែលខំមើលបំណាំ ទិតៀន សើចចំអកអ្នកដទៃនោះមកប្រឹងប្រែងចំពោះខ្លួនឯងមានប្រយោជន៍ជាង ប្រឹងអោយដូចគ្នានិងការធ្វើទៅលើគេ យកការប្រឹងនោះមកអភិវឌ្ឍន៍ខ្លួនឯង នោះអ្នកនិងដឹងថាកន្លងមកអ្នកខ្ជះខ្ជាយពេលវេលាប៉ុណ្ណា ប្រើការវិនិឆ្ឆ័យខ្លួនឯង មកធ្វើជាកញ្ចក់ឆ្លុះបញ្ចាំងខ្លួនឯង ហើយជួសឈាមខ្លួនឯងថានៅខ្វះខាតអ្វី? ត្រូវបំពេញអ្វី? ត្រូវកាត់បន្ថយអ្វី? ឬត្រូវលុបបំបំបាត់អ្វី? នោះអ្នកនិងទទួលបាននៅការបំពេញបន្ថែមនិងការកែរប្រែក៏មានសារៈប្រយោជន៏សម្រាប់ជីវិតរបស់អ្នក។ ទង្វើរបស់មនុស្សគឺបង្ហាញពីគុណតម្លៃរបស់មនុស្ស … មិនពិបាកវិនិឆ្ឆ័យ»។
ការលើកឡើងរបស់តារាចម្រៀងចាស់វស្សាក្នុងវិស័យសិល្បៈរូបនេះត្រូវចិត្តមនុស្សជាច្រើន ទើបមាន Comment ពីបណ្ដាអ្នកលេងបណ្ដាសង្គមគាំទ្រនូវអ្វីដែលជាទស្សនៈរបស់លោក៕
