តារាសម្ដែង Yoo Joo Eun ដែលធ្លាប់សាងឈ្មោះតាមរយៈភាពយន្តភាគ Joseon Survival Period បានបញ្ចប់ជីវិតខ្លួនឯងដោយបន្សល់ទុកត្រឹមសំបុត្រលាស្លា.ប់មួយច្បាប់ប៉ុណ្ណោះ។
បើតាមការផ្សាយពីសារព័ត៌មាន thelatestly បានឲ្យដឹងថា តារាសម្ដែងរូបបានធ្វើអត្តឃាតហើយបងប្រុសរបស់នាងគឺជាអ្នកដែលប្រទះសពរបស់ប្អូនស្រីមុនគេ។ Yoo Han បងប្រុសរបស់តារាស្រីអភ័ព្វរូបនេះបានប្រកាសពីដំណឹងមរណភាពរបស់ប្អូនស្រីកាលពីថ្ងៃចន្ទ ទី២៩ ខែសីហាកន្លងទៅ។ លោកបាននិយាយថា «Joo Eun បានទៅកាន់សុគតិភពហើយ បើមានពេលកុំភ្លេចមកនិយាយពាក្យលាជាមួយនាងផង»។
បន្ទាប់មកបងប្រុសរបស់តារាស្រីវ័យក្មេងបានលាតត្រដាងសំបុត្រលាស្លា.ប់របស់ប្អូនស្រីខ្លួនដែលមានខ្លឹមសារ ទាំងស្រុងថាសុំទោសផងដែលខ្ញុំត្រូវលាទៅមុន «សុំទោសអ្នកម៉ែ សុំទោសលោកយាយ និងបងប្រុស ចិត្តរបស់ខ្ញុំកំពុងស្រែកយំប្រាប់ថាមិនចង់រស់នៅបន្តទៀតនោះទេ ជីវិតរបស់អ្នកគ្រប់គ្នាប្រហែលជាមិនដូចដើមទេ ពេលដែលគ្មានខ្ញុំ ខ្ញុំចង់ឲ្យអ្នកគ្រប់គ្នារឹងមាំ ខ្ញុំនឹងរង់ចាំមើលអ្នកគ្រប់គ្នា កុំយំអីណា ប្រយ័ត្នឈឺ។»
ពេលនេះខ្ញុំឈប់សោកសៅទៀតហើយ ខ្ញុំមានអារម្មណ៍ច្បាស់លាស់ហើយស្ងប់សុខណាស់ អាចមកពីខ្ញុំគិតពីរឿងនេះមកជាយូរហើយ។ ខ្ញុំបានប្រើប្រាស់ជីវិតយ៉ាងមានក្ដីសុខមករហូត ហើយនោះក៏គ្រប់គ្រាន់ដែរសម្រាប់ខ្ញុំ គ្រប់គ្រាន់ពេកហើយ កុំបន្ទោសអ្នកណាឲ្យសោះ ហើយមានជីវិតបន្តទៀត ទោះជាគ្មានវត្តមានខ្ញុំទៀតក៏សោយចុះ»។
Yoo Joo Eun បញ្ចប់ការសិក្សាថ្នាក់បរិញ្ញាបត្រពីសកលវិទ្យាល័យសិល្បៈជាតិប្រទេសកូរ៉េ ឯកទេសរាំ។ តារាស្រីរូបនេះចាប់ផ្ដើមមានសមិទ្ធិផលសម្ដែងដំបូងកាលពីឆ្នាំ២០១៨ ក្នុងភាពយន្តភាគ Big Forest របស់ TVN និងរឿង Joseon Survival Period៕
