លោក ទុំ សារ៉ាយ ធ្លាប់ជាអតីតខ្សែប្រយុទ្ធ និងជាសមាជិកធ្លាប់ជួយឱ្យក្លិបបាល់ទាត់ព្រះខ័នរាជស្វាយរៀង លើកពានរង្វាន់សម្តេចតេជោ ហ៊ុន សែន នៅឆ្នាំ ២០១១ និង ២០១២ ពេលនេះក្នុងនាមជាគ្រូបង្វឹកក្រុមថ្មីគឺអគ្គីសនីកម្ពុជា ទំលាក់ក្រុមចាស់ព្រះខ័នរាជស្វាយរៀង ត្រឹមវគ្គ៨ក្រុមចុងក្រោយជើងឯកថ្នាក់ជាតិ ពានរង្វាន់សម្តេច តេជោ ឆ្នាំ២០២២ សរុបលទ្ធផលទាំងពីរជើង ៤-២។
លទ្ធផលវគ្គ៨ក្រុមចុងក្រោយមាន៖
-អគ្គីសនីកម្ពុជា (ជើងទី១:១-១) (ជើងទី២:៣-១) ព្រះខ័នរាជស្វាយរៀង (អគ្គីសនីកម្ពុជា ឈ្នះ៤-២)
-Tiffy Army FC (ជើងទី១:១-៣) (ជើងទី២ : ០-៣) វិសាខា (វិសាខា ឈ្នះ៦-១)
-ភ្នំពេញក្រោន(ជើងទី១:០-០) (ជើងទី២:០-០) ណាហ្គាវើល (ភ្នំពេញក្រោន ឈ្នះបាល់ប៉េណាំងទី៤-៣)
-កោះកុង (ជើងទី១: ០-២) (ជើងទី២: ៣-៣) បឹងកេត (បឹងកេត ឈ្នះ៥-៣)
កម្មវិធីប្រកួតវគ្គពាក់កណ្ដាលផ្ដាច់ព្រ័ត្រ ជើងទី១ នៅថ្ងៃទី៥ ខែតុលា និងជើងទី២ថ្ងៃទី១២ ខែតុលា៖
– បឹងកេត ប៉ះ អគ្គីសនីកម្ពុជា
– ភ្នំពេញក្រោន ប៉ះ វិសាខា៕
