នៅលើបណ្ដាញទំនាក់ទំនងសង្គមមានផ្ទុះការចាប់អារម្មណ៍មួយ ដោយសារតែម្ចាស់បំណុលម្នាក់បានចេញមកប្រកាសរកមុខលោកឧកញ៉ា លាន អាហ្វ្រីលគីនីន ឱ្យចូលខ្លួនមកដោះស្រាយបំណុលជាមួយនឹងរូបលោកនារាត្រីទី២៥ ខែឧសភា កន្លងទៅ។ យោងតាមហ្វេសប៊ុករបស់លោក បេ សិក្ខារិទ្ធ បានលើកឡើងថា លោក លាន អាហ្វ្រីលគីនីន បានចេញសែកអត់លុយ ហើយសន្យាសងម្ដងជាពីរដង តែមិនដែលឃើញលោកចូលខ្លួនមកដោះស្រាយបញ្ហាបំណុលនោះឡើយ។ ម្ចាស់បំណុលដដែលសង្កត់ធ្ងន់ៗថា ប្រសិនបើលោក លាន អាហ្វ្រីលគីនីន មិនព្រមចូលខ្លួនដោះស្រាយបំណុលដែលជំពាក់លោកទេនោះ លោកនឹងដាក់ពាក្យបណ្ដឹងផ្នែកព្រហ្មទណ្ឌ ដើម្បីអនុវត្តតាមនីតិវិធីច្បាប់ជាធរមាន។ បន្ទាប់ពីម្ចាស់បំណុលខាងលើផុសចែករំលែកបញ្ហារបស់ខ្លួនលើបណ្ដាញទំនាក់ទំនងសង្គមរួចហើយនោះ មានមិត្តភក្ដិនិងអ្នកលេងបណ្ដាញសង្គមបានចូលមកសាកសួរ…