រកបានមនុស្សដែលស្រលាញ់អ្នកដោយពិតប្រាកដ អាចរស់នៅជាមួយគ្នាអស់មួយជីវិតគឺជារឿងមួយដ៏មានតម្លៃនិងរីករាយបំផុតសម្រាប់ជិវិតមនុស្សយើង។ ប៉ុន្តែពាក្យថាស្នេហាពិត នៅក្នុងសង្គមបច្ចុប្បន្ននេះនៅមានដែរទេ? ខណៈដែលមនុស្សជាច្រើនមានអារម្មណ៍ថាស្នេហាពិតគួរខ្លាច ប៉ុន្តែស្នេហាពិតពិតជាមាននៅក្នុងលោកនេះយ៉ាងពិតប្រាកដ
![](https://troryorng.com/wp-content/uploads/2021/07/14053164-fat-gor-1.jpg)
និយាយដល់ ចូវ យ៉ុនហ្វាត់ អ្នកគាំទ្រជាច្រើនប្រាកដជាស្គាល់ច្បាស់ ព្រោះលោកជាបងធំក្នុងវិស័យភាពយន្តរូបនេះ មានកេរ្តិ៍ឈ្មោះល្បីល្បាញខ្លាំងណាស់។ ថ្វីត្បិតតែបច្ចុប្បន្ន ចូវ យ៉ុនហ្វាត់ មានអាយុ៦៦ឆ្នាំហើយក្ដី ប៉ុន្តែលោកនៅតែមានវត្តមាននៅក្នុងវិស័យសម្ដែងភាពយន្ត។
![](https://troryorng.com/wp-content/uploads/2021/07/chowyunfatwife_10.jpg)
កាលនៅវ័យក្មេង តារាសម្ដែងឆ្នើមរូបនេះមិនខុសពីបុរសជាច្រើននោះទេ លោកមានព័ត៌មានស្នេហាច្រើន និងធ្លាប់មានមិត្តស្រីច្រើននាក់ ដូចជា Miao Gianren, Chen Yulian និង Yu Anan ជាដើម។ ប៉ុន្តែស្ត្រីដែលរៀបរាប់ទាំងអស់មិនមែនជាស្ត្រីអាចរស់នៅរួមគ្នាអស់មួយជីវិតរហូតលោកបានជួប Jasmine Tan ឬ មានឈ្មោះដើមកំណើត Chen Huilian (ជនជាតិសិង្ហបុរី) ជាភរិយាទីពីរ និង ជាភរិយាបច្ចុប្បន្នរបស់លោក។ អ្នកស្រី Chen Huilian គឺជាស្ត្រីល្អម្នាក់ មានគុណធម៌ មានភាពឧស្សាហ៍ព្យាយាម អ្នកស្រីមិនធ្លាប់ខ្វល់ពីប្រវត្តិស្នេហាឬប្រវត្តិរៀបការកន្លងមករបស់លោក ហើយទទូចចង់រស់នៅជាមួយនឹងលោក។
![](https://troryorng.com/wp-content/uploads/2021/07/chowyunfatwife_14.jpg)
ដំបូងឡើយ តារាល្បីរូបនេះមិនធ្លាប់ចាប់អារម្មណ៍ឬ ពេញចិត្តចំពោះ Chen Huilian ខ្លាំងនោះទេ តែបេះដូងលោកចាប់ផ្ដើមរំភើបព្រោះតែការយកចិត្តទុកដាក់និងភាពទន់ភ្លន់របស់អ្នកស្រី ធ្វើឱ្យសេចក្ដីស្រលាញ់រវាងអ្នកទាំងពីរបានកើតឡើង។ នៅឆ្នាំ១៩៨៧ លោក ចូវ យ៉ុនហ្វាត់ និងអ្នកស្រី ឈិន ហួយលាន បានរៀបអាពាហ៍ពិពាហ៍ ហើយចាប់តាំងពីពេលនោះមកលោកស្រីគឺជាភរិយាតែមួយគត់របស់លោក ជាលេខាផ្ទាល់ខ្លួន ជាភ្នាក់ងារគ្រប់គ្រងលើការងារ និងជាជំនួយការប្រចាំជីវិតលោក។
ជារៀងរាល់ថ្ងៃអ្នកស្រី ឈិន តែងតែមើលថែទាំលើអាហារហូបចុករបស់លោក ខណៈនៅកន្លែងការងារអ្នកស្រីគឺជា គាំទ្រ លើកទឹកចិត្ត ដែលធ្វើឱ្យជីវិតលោកកាន់តែប្រសើរ ថែមទាំងអាជីពការងាររបស់លោកកាន់តែរុងរឿងថែមទៀត។
![](https://troryorng.com/wp-content/uploads/2021/07/chowyunfatwife_1.jpg)
លោក ចូវ យ៉ុនហ្វាត់ ស្រលាញ់ឧត្តមភរិយារបស់លោកណាស់ហើយក៏មើលថែទាំងអ្នកស្រីដោយសេចក្ដីស្រលាញ់ខ្លាំងផងដែរ។ អ្នកទាំងពីររៀបអាពាហ៍ពិពាហ៍រយៈពេល ៣៥ឆ្នាំហើយ ប៉ុន្មានឆ្នាំនេះអ្នកស្រី Chen Huilian តែងតែនៅក្បែរលោកគ្រប់ពេលវេលាទាំងសុខទាំងទុក្ខ ទោះបីជាអ្នកទាំងពីរមិនមានកូន ប៉ុន្តែទំនាក់ទំនងរបស់អ្នកទាំងពីរបានធ្វើឱ្យមនុស្សច្រណែនមិនតិចនោះទេ។
ប្រភព៖ INF.NEWS
![Telegram-Troryorng](https://troryorng.com/wp-content/uploads/2021/05/Troryorng-Telegram-1-1024x126.jpeg)