ដល់ថ្ងៃប្រកួតហើយ! ក្រុមទាំង ៦ដែលបានឡើងមកកាន់វគ្គPlayoff នៃការប្រកួតកីឡាអេឡិចត្រូនិកលំដាប់កំពូលក្នុងប្រទេសកម្ពុជា MPL-KH Season 6 វិញ្ញាសា Mobile Legends: Bang Bang នឹងត្រូវប្រកួតគ្នាចាប់ពីថ្ងៃនេះ រហូតដល់១៩ ខែឧសភា ឆ្នាំ២០២៤ ដែលនឹងប្រព្រឹត្តិទៅនៅក្នុងទីតាំងថ្មីនៅ សាលសន្និបាត ភីអេចហ្គ្រេនហល (យូរ៉ូ 1 ) PENG HOUTH GRAND HALL។
ឆ្លងកាត់ការប្រកួតដ៏ស្វិតស្វាញ អស់រយ:ពេល ៥សប្ដាហ៍រួចមកក៏បានរកឃើញករុមខ្លាំងចំនួន ៦ដែលនឹងត្រូវប្រជែងគ្នានៅក្នុងវគ្គ Playoff រួមមាន៖
កម្មវិធីប្រកួតថ្ងៃទី១៦ ឧសភា ២០២៤
- D-Roar Legends ប៉ះ Duck Rice Esport វេលាម៉ោង ១១:០០នាទីព្រឹក
- See You Soon ប៉ះ Pro Esports វេលាម៉ោង ១៥:០០នាទីរសៀល
- ក្រុមចាញ់ប្រកួតទី១ ប៉ះ ក្រុមចាញ់ប្រកួតទី២ វេលាម៉ោង ១៩:០០នាទីយប់
ការប្រកួត MPL-KH មានការចូលរួមពី ៨ក្រុមខ្លាំហើយបានប្រមូលផ្តុំទៅដោយកីឡាករអាជីពទាំងក្នុង និងកីឡាករអាជីពពីបរទេសចូលរួមជាច្រើន៖ក្រុម SEE YOU SOON, CFU GAMING, BURN X FLASH (FLASH KH), TEAM MAX, D-ROAR Legends, PRO ESPORTS, TEAM SV និងក្រុម Duck Rice Esport។
តារាងចំណាត់ថ្នាក់ ក្រោយបញ្ចប់វគ្គជម្រុះទាំង ៥សប្ដាហ៍៖
គួរបញ្ជាក់ថា សម្រាប់ការប្រកួត 2024 MPL-KH Season 6 វិញ្ញាសា Mobile Legends: Bang Bang ក្រុមដែលជាម្ចាស់ជើងឯកនឹងមានកៅអីនៅប្រកួតនៅ Mid Season Cup (MSC) ដែលនឹងត្រូវធ្វើឡើងនៅទីក្រុម Riyadh ប្រទេស អារ៉ាប់ប៊ីសាអ៊ូឌីត ដែលមានប្រាក់រង្វាន់សរុបប្រមាណជា ៣លានដុល្លារ៕
