អ្នកម្តាយសម័យថ្មីក្នុងយុគសម័យទំនើប គង់ ចាន់ស្រីមុំ កំពុងតែមានភាពលេចធ្លោរយ៉ាងខ្លាំងនៅក្នុងវិស័យហ្វេសសិន និងពិធីការិនី ដោយឡែកវិស័យសម្ដែងភាពយន្ដរបស់អ្នកនាង បានឃ្លាតឆ្ងាយជាយូរមកហើយ។ បើទោះបីជាមមារញឹកជាមួយការងារសិល្បៈ និងរបរក្រៅសិល្បៈយ៉ាងណាក៏ដោយ តែតារាស្រីរូបនេះ បានបង្ហើបថា ខ្លួនមានបំណងចង់បានកូនភ្លោះតាមក្ដីស្រម៉ៃ។
យ៉ាងណាក្ដី អ្នកនាងធ្លាប់បានទម្លាយថា មុនពេលមាន ម៉ូម៉ូ អ្នកនាងធ្លាប់ធ្លាប់បានជ្រើសរើសវិធីយកកូនភ្លោះ តាមបច្ចេកវិទ្យាពេទ្យម្តងរួចម្តងមកហើយ តែបរាជ័យវិញ។
អ្នកម្តាយសម័យថ្មី បានចែករំលែកប្រាប់មហាជនតាមរយៈកម្មវិធីសម្ភាសន៍មួយថា តាមបទពិសោធន៍ដែលទទួលការព្រឹក្សាកាលពីមុននោះ ប្រសិនបើ ចង់បានកូនតាមបែបបច្ចេកវិទ្យាពេទ្យមែននោះ គឺពិតជាពិបាក ព្រោះត្រូវការពេលសម្រាកមើលថែខ្លួនរយៈពេលវែង ហើយត្រូវចោលការងារពី ៣ទៅ៤ខែ ទើបងាយស្រួលក្នុងការជ្រើសរើសវិធីនេះ។ អ្នកនាងថា ត្រូវសម្រាកបំប៉នកម្លាំងខ្លួនឯងឱ្យបានច្រើន និងមិនបណ្ដោយឱ្យខ្លួនឯងរងសម្ពោធពីការងារ។
អ្នកនាងបន្ដថា សម្រាប់មនុស្សស្រី ពេលមករដូវថ្ងៃទី២ ត្រូវទៅចាក់មេជីវិតចូល ដោយត្រូវយកថ្នាំនោះ មកចាក់ចូលក្នុងពោះចន្លោះពី ៣ថ្ងៃទៅ១សប្តាហ៍ ដើម្បីឱ្យស៊ុតញីលូតលាស់បានច្រើន ព្រោះជាធម្មតា មនុស្សស្រីសុខភាពល្អ អាចមានស៊ុតញី២គ្រប់ ឫខ្លះ១គ្រប់ បន្ទាប់មក ពីគ្រូពេទ្យធ្វើការអេកូទំហំស៊ុតញី ថាគ្រាប់ណាមួយដែលអាចយកទៅបង្កើតជាកូនបាន បន្ទាប់មកទៀត គឺគេត្រូវបូមស៊ុតញី ដើម្បីយកទៅបង្កាត់ជាមួយនឹងមេជីវិតស្វាមី។ ហើយចំពោះស្វាមីវិញគឺ អាស្រ័យទៅតាមមនុស្ស ជាក់ស្ដែងដូចលោក សីហា គឺពុំចាំបាច់ថ្នមសុខភាពពេកទេ ដោយសារមេជីវិតរបស់លោកមានសុខភាពល្អស្រាប់ហើយ។
![](https://cdn.troryorng.com/wp-content/uploads/2022/01/28133841/271134874_469126574569782_3769630456860579069_n-1024x684.jpg)
អ្នកនាង គង់ ចាន់ស្រីមុំ បានប្រាប់អ្នកសារព័ត៌មានត្រយងថា នៅក្នុងឆ្នាំ២០២២នេះ អ្នកនឹងសម្រេចក្ដីស្រម៉ៃគ្រោងយកកូនភ្លោះឱ្យទាល់តែបាន តែនាងបញ្ជាក់ថា អ្នកនាងមិនបង្ខំខ្លួនឱ្យមានពេកទេ ពោលគឺមានពេលណាពេលហ្នឹងចុះ។ អ្នកនាងអះអាងថា បើតាមគម្រោងអ្នកនាងចង់បានកូនភ្លោះស្រីមួយ ប្រុសមួយ ហើយក៏ចង់បំពេញបំណងរបស់កូនស្រី ម៉ូម៉ូ ដែលចង់បានប្អូនខ្លាំងណាស់ផងដែរ៕
![Telegram-Troryorng](https://troryorng.com/wp-content/uploads/2021/05/Troryorng-Telegram-1-1024x126.jpeg)