មហាជនអ្នកលេងបណ្ដាញសង្គមហ្វេសប៊ុកមានការភ្ញាក់ផ្អើលមែនទែន នៅពេលអ្នកនាង ដេននី ក្វាន់ ស្រាប់តែទម្លាយរឿងអតីតគូស្នេហ៍អ្នកនាងគឺ លោក ចាន់មករា បានបោកប្រាស់លុយរបស់គ្រួសារ និងប្អូនប្រុសអ្នកនាង ដល់ទៅខ្ទង់ម៉ឺនៗដុល្លារ។
បើតាមការអះអាងរបស់លោក គឹម សាន ប្អូនប្រុសរបស់អ្នកនាង ដេននី ក្វាន់ បានបង្ហោះឱ្យមហាជនដឹងថា ម្ចាស់យានដ្ឋាន CMR រូបនេះ បានព្យាយាមរត់គេចមិនព្រម ចូលខ្លួនដោះស្រាយបំណុលនោះឡើយ រូបលោកនឹងបកអាក្រាតធាតុពិតរបស់លោក ចាន់មករា ឱ្យមហាជនបានដឹងថា អតីតបងថ្លៃលោកជាជនបោកប្រាស់ និងមិនមានទំនាក់ទំនងជាមួយបងស្រីលោករយៈពេល២ឆ្នាំកន្លងមកហើយ។
![](https://troryorng.com/wp-content/uploads/2021/12/245090855_2992065047681662_1027864415601626829_n-682x1024.jpg)
ក្រោយមានការបង្ហោះរបស់លោក គឹម សាន នៅលើបណ្ដាញហ្វេសប៊ុកបែបនេះហើយ ភ្លាមៗស្រាប់តែគេឃើញអ្នកនាង ដេននី ក្វាន់ បង្ហោះសារទម្លាយខ្ទេចខ្ទីគ្មានសល់ពីចរិតពិតអតីតគូស្នេហ៍របស់ខ្លួនដោយរៀបរាប់ជាច្រើនលើកច្រើនសារថា «ស្អែកនេះខ្ញុំនឹងឡាយនិយាយពីជនបោកប្រាស់ម្នាក់នេះ ចង់ដឹងថាល្បិចកលសាហាវយ៉ាងណានោះបងប្អូន នឹងបានដឹងហើយ ស្ទើរតែមិនជឿថាសាហាវដល់ថ្នាក់ហ្នឹង ស្គាល់មុខតែមិនស្គាល់ចិត្ត»។ អ្នកនាងបង្ហោះទៀតថា «សាហាវពេកហើយ បោកលុយពុកម៉ែខ្ញុំ បោកលុយបងស្រីខ្ញុំ២នាក់ បោកលុយប្អូនប្រុសខ្ញុំ បោកលុយខ្ញុំ និយាយឱ្យចំបោកមួយពូជ»។ ហើយក៏បង្ហោះបន្ថែមទៀតថា «ទិញឡានតម្លៃជាងដប់ម៉ឺនដុល្លារ ជិះសុខៗ គេមកដកហូតឡាននឹងថាជារបស់គេ ដល់មើលឯកសារក្លែងក្លាយទាំងអស់ទាំងដែលទិញលុយសុទ្ធមិនខ្វះមួយរៀល សាហាវណាស់Chann Makara ឃ្លាំងCMR»។
ដំណឹងនេះបានមហាជនភ្ញាក់ផ្អើលជាខ្លាំង ព្រោះមិននឹកស្មានដល់សោះ ថាពិភពនេះពិតជាក្រឡាប់ចក្រពិតមែន ពីថៅកែម្ចាស់ឃ្លាំងលក់រថយន្តធំប៉ុនណាណី បែរជាជំពាក់លុយអតីតគូស្នេហ៍ហើយរត់គេចមិនព្រមបែបនេះទាល់តែសោះ។ តែយ៉ាងណាមិញ រហូតមកទល់ពេលនេះ នៅមិនទាន់ឃើញមានការបកស្រាយពីខាងភាគីលោក ចាន់មករា នៅឡើយទេ។ រឿងរ៉ាវនឹងក្លាយទៅជាយ៉ាងណានោះ មានតែរងចាំតាមដានជាបន្ដទៀត ដោយការ Live បំភ្លឺបន្ថែមពីអ្នកនាង ដេននី ក្វាន់៕