បន្ទាប់ពីឆ្លងកាត់ ការប្រកួតនៅក្នុងវគ្គ Playoff អស់រយ:ពេល ៣ថ្ងៃរួចមក ពេលនេះបានរកឃើញក្រុមទាំង២ ដែលនឹងត្រូវជួបគ្នានៅវគ្គផ្ដាច់ព្រ័ត្រ ការប្រកួត 2024 MPL KH Season 6 គឺ ក្រុម See You Soon ត្រូវប្រកួតទល់នឹង D-Roar Esports។
![](https://cdn.troryorng.com/wp-content/uploads/2024/05/27124847/6767-1-1024x683.jpg)
See You Soon ធ្វើបានយ៉ាងល្អបន្ទាប់ពីឆ្លងកាត់ ៣ប្រកួតនៅក្នុងវគ្គ Playoff ដោយបានយកឈ្នះ Pro Esports ក្នុងលទ្ធផល ៣-១ នៅថ្ងៃទី១។ ឈានដល់ថ្ងៃទី២ ក្រុម See You Soon បានបំបាក់ក្រុមលេខ១ CFU Gaming ក្នុងលទ្ធផល ៣-០ និងបន្តយកឈ្នះក្រុមខ្លាំង Flash KH ក្នុងលទ្ធផល ៣-០ នៅក្នុងថ្ងៃតែ១ កក់កៅអីវគ្គផ្ដាច់ព្រ័ត្រ Grand Final។
ដោយឡែក D-Roar Esports ឡើងមកកាន់វគ្គផ្ដាច់ព្រ័ត្រក្រោយធ្វើបានយ៉ាងល្អក្នុងការឈ្នះ Flash KH ដែលជាជំនួបសងសឹកនៅថ្ងៃទី៣ ក្នុងលទ្ធផល ៣-១។ ខណ:ថ្ងៃទី១ បានយកឈ្នះ Duck Rice Esports ក្នុងលទ្ធផល ៣-០ ថ្ងៃទី២ បានបរាជ័យក្រោមថ្វីដៃ Flash KH ក្នុងលទ្ធផល ៣-១។
ចាំមើលថា តើ See You Soon ឬក៏ D-Roar Esports ដែលក្លាយជា King of the king នៅក្នុងការប្រកួត MPL KH S6 របស់យើងនៅថ្ងៃស្អែក។ ជួបគ្នានៅក្នុងការប្រកួតវគ្គផ្ដាច់ព្រ័ត្រចាប់ពីម៉ោង ១រសៀលតទៅ នៅសាលសន្និបាត ភីអេចហ្គ្រេនហល (យូរ៉ូ ១ )។
![](https://cdn.troryorng.com/wp-content/uploads/2024/05/27124849/4546-1024x683.jpg)
ក្នុងនោះសម្រាប់ចំណាត់ថ្នាក់ ក្រុមលេខ៥ ដល់លេខ៨ ក៏បានរកឃើញរួចហើយដែរគឺ៖
- ក្រុមជើងឯក៖ See You Soon ឬ D-Roar Esports ទទួលបានប្រាក់រង្វាន់ ១ ៦០០ដុល្លារ (MSC 2024)
- ក្រុមលេខ២៖ See You Soon ឬ D-Roar Esports ទទួលបានប្រាក់រង្វាន់ ៨ ០០០ដុល្លារ
- ក្រុមលេខ៣៖ Team Flash KH ទទួលបានប្រាក់រង្វាន់ ៥ ០០០ដុល្លារ
- ក្រុមលេខ៤៖ CFU Gaming ទទួលបានប្រាក់រង្វាន់ ៣ ៥០០ដុល្លារ
- ក្រុមលេខ៥៖ Duck Rice Esport ទទួលបានប្រាក់រង្វាន់ ២ ៥០០ដុល្លារ
- ក្រុមលេខ៦៖ PRO Esports ទទួលបានប្រាក់រង្វាន់ ២ ០០០ដុល្លារ
- ក្រុមលេខ៧៖ Team Max ទទួលបានប្រាក់រង្វាន់ ១ ៥០០ដុល្លារ
- ក្រុមលេខ៨៖ Team SV ទទួលបានប្រាក់រង្វាន់ ១ ៥០០ដុល្លារ
គួរបញ្ជាក់ផងដែរថា សម្រាប់ការប្រកួត 2024 MPL-KH Season 6 វិញ្ញាសា Mobile Legends: Bang Bang ក្រុមដែលជាម្ចាស់ជើងឯកនឹងមានកៅអីនៅប្រកួតនៅ Mid Season Cup (MSC) ដែលនឹងត្រូវធ្វើឡើងនៅទីក្រុម Riyadh ប្រទេស អារ៉ាប់ប៊ីសាអ៊ូឌីត ដែលប្រព្រឹត្តិទៅចាប់ពីថ្ងៃទី២៦ ខែមិថុនា រហូតដល់ថ្ងៃទី៧ ខែកក្កដា ឆ្នាំ២០២៤ ខណ:មានប្រាក់រង្វាន់សរុបប្រមាណជា ៣លានដុល្លារ៕
![](https://cdn.troryorng.com/wp-content/uploads/2024/05/27124848/Final-1024x1024.jpg)
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)