កម្មវិធីប្រកួតកម្រិតពិភពលោក «Beat the Best» ក្នុងសប្ដាហ៍ទី៣ ក៏មិនខុសពីសប្ដាហ៍មុនៗនោះដែរ ព្រោះបេក្ខជន-បេក្ខនារីទាំងអស់សុទ្ធតែមានសមត្ថភាពនិងទឹកដមសំឡេងពីរោះដូចៗគ្នា។ ប៉ុន្តែរឿងដែលនឹកស្មានមិនដល់ហើយធ្លាប់តែកើតឡើងនៅក្នុងកម្មវិធីប្រកួតបរទេសនោះបានកើតឡើងនៅក្នុងប្រទេសកម្ពុជាដែរ ដោយសារតែបេក្ខជន យ៉ន វ៉ាន់ឆៃ ដែលជាបេក្ខជនមកពីខេត្តកំពង់ឆ្នាំងមានទឹកដមសំឡេងពីរោះប្រៀបដូចច្រៀងថតដាក់ក្នុងឌីសយកមកចាក់ រហូតគណៈកម្មាការសំណូមពរឱ្យបិទសំឡេងភ្លេង រួចបកស្រាយបទចម្រៀងឡើងវិញគោកគ្មានភ្លេង ជាលទ្ធផលសំឡេងរបស់បេក្ខជនរូបនោះគឺនៅតែល្អនិងពីរោះដដែល គឺមិនមានខុសពីពេលដែលរូបលោកច្រៀងជាមួយនឹងភ្លេងឡើយ។
ចង់ដឹងថាបេក្ខជន យ៉ន វ៉ាន់ឆៃ វ័យ២៣ឆ្នាំ ច្រៀងបទ «ខ្លាចការពិតត្បិតមិនចង់បែក» ពីរោះដូចចាក់ឌីសយ៉ាងណានោះទស្សនាវីដេអូខាងក្រោម៖
