ព្រោះតែចង់មានមុខមាត់ស្អាតដូចជាកំពួលតារាសម្ដែងល្បីប្រចាំប្រទេសចិន ហ្វាន ពីងពីង នារីម្នាក់សុខចិត្តចំណាយដើមទុនផ្ទាល់ខ្លួននិងពេលវេលា ៨ឆ្នាំកែសម្ផស្សធ្វើយ៉ាងណាឱ្យមុខមាត់ដូចនឹងអាយដលរបស់ខ្លួនដែលជាតារាសម្ដែងល្បីក្នុងរឿង អធិរាជស្ដេចស្រី។
![](https://troryorng.com/wp-content/uploads/2021/08/photo_2021-08-21_13-16-50.jpg)
កញ្ញា ហ៊ឺ ចឹងស៊ី នារីជនជាតិចិនម្នាក់នេះ កំពុងតែល្បីល្បាញខ្លាំងក្នុងស្រទាប់មហាជន ព្រោះតែកញ្ញាវះកាត់កែសម្ផស្សឱ្យមានមុខមាត់ដូចទៅនឹងតារាសម្ដែងល្បីប្រចាំប្រទេសចិនហ្វានពីងពីង។
![](https://troryorng.com/wp-content/uploads/2021/08/photo_2021-08-21_13-17-46.jpg)
សម្រាប់ការវះកាត់កែសម្ផស្សឱ្យមានមុខមាត់ស្អាតគឺជារឿងសាមញ្ញាហើយសម្រាប់នារីសម័យថ្មី ព្រោះអ្នកណាក៏ចង់មានមុខមាត់ស្អាត និងលេចធ្លោក្នុងខ្សែភ្នែកអ្នកដទៃដែរ។ ដោយកញ្ញា ហ៊ឺ ចឹងស៊ី បានបង្ហើបថាកញ្ញាបានប្រើពេលវេលារហូតដល់ទៅ ៨ឆ្នាំ ក្នុងការវះកាត់ ផ្លាស់ប្ដូរសម្រស់ខ្លួនឯង ឱ្យមើលទៅដូចនឹងតារាស្រី ហ្វានពីងពីង លក្ខណៈហៅថាកែពេញមួយ តួខ្លួន ផ្លាស់ប្ដូរពីមនុស្សម្នាក់ទៅមនុស្សម្នាក់តែម្ដង។
![](https://troryorng.com/wp-content/uploads/2021/08/photo_2021-08-21_13-17-14.jpg)
កញ្ញារូបនេះល្បីល្បាញព្រោះតែវះកាត់ឱ្យដូចតារាល្បី ថែមទាំងចូលចិត្តថតរូបនៅតាមទីតាំងនិងឥរិយាបទដូចគ្នាទៅនឹងហ្វានពីងពីងផងដែរ។ បន្ទាប់ទទួលបានការសរសើរព្រោះតែរូបសម្រស់ថ្មីរបស់ខ្លួន រូបភាពចាស់ៗរបស់កញ្ញារូបនេះក៏ត្រូវគាស់កកាយយកមកបង្ហាញជាសាធារណៈដែរ ដោយមនុស្សមួយចំនួនមានការភ្ញាក់ផ្អើលក្រោយឃើញរូបភាពចាស់និងរូបភាពកែរួចរាល់ ខណៈអ្នកខ្លះទៀតក៏លើកឡើងដែរថា មុនកែសម្ផស្សតារាស្រីរូបនេះក៏មើលទៅស្អាតនិងមានមន្តស្នេហ៍ដូចគ្នា។
ហ្វាន ពីងពីង គឺជាតារាសម្ដែងដ៏ល្បីល្បាញរបស់ប្រទេសចិន តារារូបនេះមានសមិទ្ធិផលសម្ដែងជាច្រើនដូចជា រឿង «អធិរាជស្ដេចស្រី» រឿងភាគបុរាណបែបប្រវត្តិសាស្ត្រ ដែល ហ្វាន ពីងពីង សម្ដែងជាតួអង្គ អ៊ូ ជឺឈៀន ឬ អ៊ូ ម៉ីនៀង ស្ដេចស្រីក្នុងប្រវត្តិសាស្ត្រចិន៕
ទស្សនាវីដេអូព័ត៌មានខាងក្រោម៖
![Telegram-Troryorng](https://troryorng.com/wp-content/uploads/2021/05/Troryorng-Telegram-1-1024x126.jpeg)