«ឈ្ងុយណាស់ឈ្ងុយ» បទចម្រៀងដែលកំពុងតែមានការពេញនិយមនិងគាំទ្រច្រើនលើ Tiktok ដែល B.I.G បានលើកយកមកបកស្រាយគឺយកតាមលំនាំបទចម្រៀងដើមចិន ដែលល្បីល្បាញខ្លាំងលើ Tiktok ហើយមានអ្នក Cover ច្រើនដូចគ្នា។ តើអ្នកមានដឹងទេថា ម្ចាស់ដើមដ៏ស្រស់នេះមានប្រវត្តិបែបណា?
ម្ចាស់បទដើមមានឈ្មោះហៅថា Meng Han ជាជនជាតិចិន ខេត្តក្វាងតុង ប្រើប្រាស់ភាសាចិនកាតាំង កញ្ញារូបនេះកើតឆ្នាំ ១៩៩៦ បច្ចុប្បន្នមានអាយុ២៥ ឆ្នាំ មានចរិតជាមនុស្សខ្មាស់អៀនច្រើន។ បទចម្រៀងដែលមានចំណងជើងចិនថា «Ai De Bao Feng Yu» ត្រូវបានផ្សាយនៅថ្ងៃទី២៥ ខែមេសា ឆ្នាំ២០២១។
ចំពោះប្រវត្តិរបស់ Meng Han នៅលើវិថីសិល្បៈ ចាប់ផ្ដើមចាប់ពីឆ្នាំ២០១៥ កញ្ញាបានជាប់ជាជើងឯកការប្រកួតចំរៀងប្រចាំសាលាក្វាងតុង ឈានចូលដល់ឆ្នាំ ២០១៦ កញ្ញា បានជាប់ជាជើងខ្លាំងទាំង៥ ក្នុងការប្រកួតប្រជែងច្រៀង Cover បទចំរៀងក្លាស៊ិចភាសាកាតាំង។ បន្តមកទៀតឆ្នាំ ២០១៨ ជាប់ក្នុងចំណោមជើងខ្លាំងទាំង១០ ក្នុងការប្រកួតចំរៀង Cantonese Good Voice តំបន់ក្វាងតុង (2018 Guandong New Music Chart New Popular Female Singer Award)។ ក្នុងឆ្នាំ២០១៨ ដដែលកញ្ញាបានធ្វើជាគណៈកម្មការ (Judge) ក្នុងការជ្រើសរើសផ្ដាច់ព្រ័ត្រជ្រើសរើសតួសម្ដែងរឿង Dong Xie Xi Du ហើយក៏បានចូលរួមសម្ដែងជាតួអង្គ Xiao Meng ក្នុងរឿង Dong Xie Xi Du ក្នុងឆ្នាំដដែលនេះ៕
កញ្ញា Meng Han កសាងបាននូវភាពល្បីល្បាញនិងធ្វើឱ្យអ្នកគាំទ្របានស្គាល់កញ្ញាជាលើកដំបូងតាមរយៈការ Cover បទចម្រៀង Seventeen របស់តារាចម្រៀងល្បី លីវ តឺហួរ (Andy Lau)៕
ទស្សនាវីដេអូព័ត៌មាននេះនៅខាងក្រោម: