សិល្បៈអន្តរជាតិ៖ ក្រោយពេលដែលក្រុមអ្នកគាំទ្រដែលព្យាយាមជួយចូកជួយចែវ ទទួលបានដំណឹងថាទូកដែលដឹក Baifern និង Nine Naphat ជិតទៅដល់គោលដៅដោយសុវត្ថិភាពហើយនោះ ពេលនេះក្រុមអ្នកគាំទ្របានងាកមកជួយគ្នាសង្ឃឹមថាមួយគូទៀតនឹងឆាប់ទៅដល់គោលដៅដូចគ្នាដែរ។
ក្រុម Shipper ដែលរមែងតែងតែជួយគ្នាចូកជួយគ្នាចែវ រហូតសម្រេចជាលទ្ធផលជាច្រើនគូមិនថាគូ Mai Davika និង Ter Chantavit , Nadech និង Yaya និង គូ Mak និង Kimberly ពេលនេះកំពុងតែព្រួតគ្នាបង្វែរទិសទៅជួយចូកជួយចែវគូស្នេហ៍ដ៏ស័ក្តិសមក្នុងភាពយន្តរឿង បុព្វេសន្និវាស២ ដែលពេលនេះបេះដូងទំនេរស្អាតដូចគ្នា សង្ឃឹមថាអ្នកទាំងពីរអាចនឹងប្ដូរឋានៈពី FriendZone មកជាមនុស្សយល់ចិត្តឆាប់ៗខាងមុខនេះ។
ប៉ុន្តែចំពោះលទ្ធផលនឹងបានសមដូចបំណងមួយគូទៀតឬក៏អត់នោះ មានតែរង់ចាំតាមដានជាមួយគ្នាជាបន្តទៀតសិន។
ប្រភព៖ Teenee