សិល្បៈជាតិ៖ ស្របពេលដែលក្បាច់គុនល្បុក្កតោត្រូវបានចុះបញ្ជីជាសម្បត្តិបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូនៅថ្ងៃទី២៩ វិច្ឆិកា ២០២២ កន្លងទៅ ក្រសួង ស្ថាប័ន និងប្រជាជនខ្មែរទូទាំងព្រះនគរបានប្រារព្ធកម្មវិធីអបអរសាទរយ៉ាងគគ្រឹកគគ្រេង តារាសម្ដែងឈាមជ័រជាខ្មែរ Dy Sao ក៏បានបង្ហាញពីបិតិសោមនស្សរីករាយចំពោះដំណឹងដ៏រីករាយនេះដែរ។ តារាសម្ដែងដែលតែងតែព្យាយាមផ្សព្វផ្សាយពីក្បាច់គុនបុរាណខ្មែររូបនេះ ត្រូវបានគេមើលឃើញថាដាក់ខ្លួន បើទោះជាលោកមានឈ្មោះបោះសំឡេងនិងត្រូវបានគេទទួលច្រើនពីសមត្ថភាពគុនល្បុក្កតោក្ដី។
ក្នុងនាមជាកូនខ្មែរមួយរូប បុរសមានដើមកំណើតនៅខេត្តបាត់ដំបង រូបនេះរមែង តែងតែផ្សព្វផ្សាយពីក្បាច់គុនល្បុក្កតោខ្មែរ នៅលើឆាណែលយូធូបរបស់ខ្លួនតាមរយៈការបង្ហាត់បង្រៀន ក៏ដូចជាបង្ហាញពីគុនល្បុក្កតោ នៅក្នុងភាពយន្តដែលលោកសម្ដែងទាំងជាតួអង្គឯកក្ដី ឬ Stuntក្ដី។
«ល្បុក្កតោ របស់ខ្ញុំ មិនសូវល្អដូចនៅស្រុកខ្មែរទេ ខ្ញុំនឹងព្យាយាមឲ្យអស់ពីសមត្ថភាពដើម្បីបង្រៀនមិត្តភក្តិអាមេរិកដែលចូលចិត្តរៀន»
ថ្វីបើមានឈ្មោះបោះសំឡេងជាតារាក្បាច់គុនមួយរូប ប៉ុន្តែ ឌី សៅ ហាក់ដាក់ខ្លួនខ្លាំងណាស់ ដូចដែលលោកបានប្រកាសជាសាធារណៈខាងលើនេះថាក្បាច់គុនលោកមិនសូវល្អ ប៉ុន្តែលោកនៅតែព្យាយាមឱ្យអស់ពីសមត្ថភាពដើម្បីបង្រៀនមិត្តភក្ដិអាមេរិករបស់ខ្លួន។
ប្រជាជនកម្ពុជា អរគុណបងចំពោះការផ្សព្វផ្សាយនូវគុនល្បុក្កតោ និងចែករំលែកនូវវប្បធម៌ដល់បរទេសអោយស្គាល់អំពីអរិយធម៌ខ្មែរ
អរគុណបងប្រុសដែលថែរក្សារលើកស្ទួយមរតកដូនតាយើង..
អរគុណបងប្រុសដែលថែរក្សារលើកស្ទួយមរតកដូនតាយើង..
Comment ខ្លះៗខាងលើនេះគឺដកស្រង់ចេញពីអ្នកគាំទ្រដែលបានអបអរសាទរយ៉ាងក្រៃលែងចំពោះទឹកចិត្តស្រលាញ់ និង ការតស៊ូលះបង់របស់លោកដើម្បីក្បាច់គុនខ្មែរ គឺឆ្លើយតបចំពោះការប្រឹងប្រែងផ្សព្វផ្សាយក្បាច់គុនជាតិឱ្យបរទេសកាន់តែស្គាល់ច្រើន៕