ម្ចាស់ពានកីឡាករឆ្នើមប្រចាំខែវិច្ឆិកា (CAMBODIAN PREMIER LEAGUE MVP OF THE MONTH) បានទៅលើខ្សែប្រយុទ្ធស្លាប លឹម ពិសុទ្ធ សមាជិកក្លិបបាល់ទាត់ភ្នំពេញក្រោន ដោយទទួលបានរង្វាន់ម៉ូតូថ្មីស្រឡាងពីក្រុមហ៊ុន Suzuki ក្នុងក្របខណ្ឌពានរង្វាន់លីគកំពូលកម្ពុជា។
គួរដឹងខ្សែប្រយុទ្ធវ័យក្មេង លឹម ពិសុទ្ធ របស់ក្លិបបាល់ទាត់ភ្នំពេញក្រោន ស៊ុតបញ្ចូលទីបាន១១គ្រាប់នៅក្នុងលីគកំពូលកម្ពុជា ឈរលើគេក្នុងនាមជាកីឡាករខ្មែរដែលទាត់បញ្ចូលទីច្រើនជាងគេសរុប២៧សប្តាហ៍ តាមពីក្រោយដោយកីឡាករ សៀង ចន្ធា របស់បឹងកេត មានចំនួន១០គ្រាប់។
ខាងក្រោមនេះគឺជាបញ្ជីឈ្មោះបេក្ខភាពកីឡាករឆ្នើមប្រចាំខែវិច្ឆិកា (Player of the Month) ទាំង៦រូបដូចជា៖
– កីឡាករ Mirzaev Alisher សញ្ជាតិអ៊ូបេគីស្ថាន របស់ក្លិបវិសាខា
– កីឡាករ សាទី របស់ក្លិបវិសាខា
– កីឡាករ សៀង ចន្ធា របស់ក្លិបបឹងកេត
– កីឡាករ Hikaru Mizuno សញ្ជាតិជប៉ុន របស់ក្លិបព្រះខ័នរាជស្វាយរៀង
– កីឡាករ លឹម ពិសុទ្ធ របស់ក្លិបភ្នំពេញក្រោន
– កីឡាករ Fareed Sadat សញ្ជាតិអាហ្វហ្គានីស្ថាន របស់ក្លិបភ្នំពេញក្រោន។
លឹម ពិសុទ្ធ ខ្សែប្រយុទ្ធរបស់ភ្នំពេញក្រោន និងជាសមាជិកអាយុក្រោម២២ឆ្នាំរបស់ក្រុមជម្រើសជាតិកម្ពុជា ក៏ស្ថិតក្នុងបញ្ជីកីឡាករ ១១នាក់ល្អជាងគេប្រចាំរដូវកាល ២០២២ នៃលីគកំពូលកម្ពុជាក្នុងកម្មវិធី CPL Football Award 2022។
១១នាក់ល្អជាងគេប្រចាំរដូវកាល CPL ២០២២ ក្នុងទម្រង់ ៤-៣-៣ ដូចជា៖
អ្នកចាំទី៖ សាវែង សំណាង (ភ្នំពេញក្រោន)
ខ្សែការពារ៖ ឆេង ម៉េង (វិសាខា), អ៊ុក សុវណ្ណ (វិសាខា), សារ៉េត គ្រីយ៉ា (ព្រះខ័នរាជស្វាយរៀង), Mizanu Hikaru (ព្រះខ័នរាជស្វាយរៀង)
ខ្សែបម្រើ៖ ម៉ាត នូរុណ (បឹងកេត), សៀង ចន្ធា (បឹងកេត), សារ ទី (វិសាខា)
ខ្សែប្រយុទ្ធ៖ Andres Nieto (ភ្នំពេញក្រោន), Marcus Haber (ព្រះខ័នរាជស្វាយរៀង) និង លឹម ពិសុទ្ធ (ភ្នំពេញក្រោន)៕