ក្រុមជម្រើសជាតិអាហ្សង់ទីន នឹងត្រូវជួបសត្រូវចាស់ ក្រូអាត នៅវគ្គពាក់កណ្តលផ្តាច់ព្រ័ត្រ ព្រឹត្តិការណ៍បាល់ទាត់ពិភពលោក FIFA World Cup ឆ្នាំ២០២២ នៅកីឡដ្ឋាន Lusail រាត្រីថ្ងៃទី១៤ ឈានចូលព្រឹកថ្ងៃទី១៥ ខែធ្នូ វេលាម៉ោង ២:០០រំលងអធ្រាត្រ។
ប្រវត្តិជួបគ្នា៥លើកចុងក្រោយរវាងក្រុមទាំងពីរ៖
-២២ មិថុនា ២០១៨ អាហ្សង់ទីន ០-៣ ក្រូអាត
-១៣ វិច្ឆិកា ២០១៤ អាហ្សង់ទីន ២-១ ក្រូអាត
-០២ មីនា ២០០៦ ក្រូអាត ៣-២ អាហ្សង់ទីន
-២៦ មិថុនា ១៩៩៨ អាហ្សង់ទីន ១-០ ក្រូអាត
-០៤ មិថុនា ១៩៩៤ ក្រូអាត ០-០ អាហ្សង់ទីន។
គួរដឹងថាក្រុមអណ្តាតភ្លើងក្រូអាត បានបង្កភាពភ្ញាក់ផ្អើលយ៉ាងខ្លាំងបំផុត ដោយបានទម្លាក់ក្រុមសាំបាប្រេស៊ីល ដែលជាក្រុមឈ្នះជើងឯក World Cup ច្រើនជាងគេបំផុតក្នុងប្រវត្តិសាស្ត្រ ដោយការយកឈ្នះ នៅក្នុងការប្រកួតដ៏តានតឹងបំផុត តាមរយៈការទាត់បាល់កាត់សេចក្តី១១ម៉ែត្រ ដោយលទ្ធផល ៤-២ នៅឯកីឡដ្ឋាន Education City បន្ទាប់ពីបញ្ចប់ការប្រកួត ១២០នាទី បានត្រឹមស្មើគ្នា លទ្ធផល ១-១។
ចំណែកឯ ក្រុមមេឃខៀវអាហ្សង់ទីន យកឈ្នះលើក្រុមមច្ចុរាជទឹកក្រូចហូឡង់ នៅក្នុងការប្រកួតដ៏តានតឹងដូចគ្នា ដោយការទាត់បាល់កាត់សេចក្តី១១ម៉ែត្រ ក្នុងលទ្ធផល ៤-៣ នៅកីឡដ្ឋាន Lusail Iconic បន្ទាប់ពីបញ្ចប់ការប្រកួត ១២០នាទី បានត្រឹមស្មើគ្នា លទ្ធផល ២-២។
ជម្រើស១១នាក់ដំបូងរបស់អាហ្សង់ទីនអាចនឹងប្រើប្រាស់នៅរាត្រីនេះ៖
E. Martinez; Molina, Romero, Otamendi, Tagliafico; Fernandez, De Paul, Mac Allister; Di Maria, Messi, Alvarez
ជម្រើស១១នាក់ដំបូងរបស់ក្រូអាចអាចនឹងប្រើប្រាស់នៅរាត្រីនេះ៖
Livakovic; Juranovic, Gvardiol, Lovren, Sosa; Modric, Brozovic, Kovacic; Pasalic, Kramaric, Perisic
សម្រាប់រាត្រីនេះបើសិនក្រូអាត ក្រោមការដឹកនាំរបស់លោក Zlatko Dalić អាចយកឈ្នះអាហ្សង់ទីន របស់លោក Lionel Sebastian Scaloni នោះនឹងក្លាយទៅជាក្រុមដែលអាចឈានដល់វគ្គផ្ដាច់ព្រ័ត្រ World Cup ២ឆ្នាំជាប់ៗគ្នាជាលើកដំបូង ចាប់តាំងពីប្រេស៊ីល ធ្វើបានក្នុងឆ្នាំ ២០០២។
ព្យាករណ៍ពីលទ្ធផល៖
-សារព័ត៌មាន givemesport (អង់គ្លេស)៖ អាហ្សង់ទីន ២-១ ក្រូអាត
-សារព័ត៌មាន 90min (អ៊ីស្រាអែល)៖ អាហ្សង់ទីន ២-១ ក្រូអាត
-សារព័ត៌មាន sportsmole (អង់គ្លេស)៖ អាហ្សង់ទីន ២-១ ក្រូអាត
-សារព័ត៌មាន as (អេស្ប៉ាញ)៖ អាហ្សង់ទីន ២-១ ក្រូអាត
-សារព័ត៌មានត្រយង (កម្ពុជា) អាហ្សង់ទីន ០-១ ក្រូអាត៕
