ភ្នំពេញ៖ អ្នកតាមដានព្រឹត្តិការណ៍សង្គមនៅលើបណ្ដាញសង្គមហ្វេសប៊ុកប្រហែលជាបានជ្រាបខ្លះៗហើយថាមួយរយៈនេះក្រុមហ៊ុន ឡេង ណាវ៉ាត្រា បានប៉ះទង្គិចគ្នាជាមួយនឹងសារព័ត៌មានខ្មែរខូវឺធីវីពាក់ព័ន្ធនឹងករណីលុបព្រែកវត្តជ្រៃបឹងគ្រំ ដោយភាគីក្រុមហ៊ុន ហ្គាឡាក់ស៉ី ណាវ៉ាត់ត្រា គ្រុប ឯ.ក របស់អ្នកឧកញ៉ាច្រានចោលការចោទប្រកាន់ការចុះផ្សាយរបស់សារព័ត៌មាននេះ។ ដោយឡែកភាគីសារព័ត៌មានខូវឺធីវីទើបតែចេញលិខិតបំភ្លឺ៥ចំណុច ឆ្លើយតបចំពោះការលើកឡើងរបស់ផេកផ្លូវការរបស់អ្នកឧកញ៉ា ឡេង ណាវ៉ាត្រា។
នៅក្នុងសេចក្ដីបំភ្លឺរបស់សារព័ត៌មានខ្មែរខូវឺធីវី ដែលបានចេញនៅថ្ងៃទី២៧ ខែធ្នូ ឆ្នាំ២០២២ មានសេចក្ដីលម្អិតដូចខាងក្រោមនេះ:
បន្ទាប់ពីសារព័ត៌មានខ្មែរខូវឺធីវីបានចេញលិខិតបំភ្លឺដូចបានរៀបរាប់ខាងលើ ផេកផ្លូវការរបស់អ្នកឧកញ៉ា ឡេង ណាវ៉ាត្រា បានយកលិខិតរបស់សារព័ត៌មានខាងលើមកបង្ហោះដោយភ្ជាប់នូវខ្លឹមសារឆ្លើយតប ៤ចំណុចវិញថា:
1. ក្រុមកាងារបងតើអី?
2. ការផុសរូបគឺជា ការបញ្ជាក់ក្រុមការងាររបស់បងរឿងពិតហើយតើ
3. ចុះផ្សាយពីខ្ញុំ អត់សួរពីចេតនាខ្លួនឯង? ដល់ពេលខ្ញុំផ្សាយវិញ ថាមិនដឹងចេតនាអ្វី? បងមិនយល់ឬក៏ធ្វើមិនយល់? នេះខ្ញុំប្រើផេកមួយទល់នឹងមួយនៅឡើយទេបង។
4. ចងចាំ
ការដោះបញ្ហាដោយភាពថ្លៃថ្នូរ ចំពោះតែមនុស្សថ្លៃថ្នូរប៉ុណ្ណោះ ខ្ញុំមិនដែលទៅពាក់ព័ន្ធជាមួយអ្នកណាឡើយ ចរិតខ្ញុំគឺខ្ញុំធ្វើគឺខ្ញុំទទួល
។ តែលោកទេដែលយកឈ្មោះ(លោក) មកគំរាមខ្ញុំ បើសិនជាថ្ងៃជូនដំណឹងដំបូងលោកព្រម ស្រាយបំភ្លឺបែបដូចដាក់សារមកtelegramនោះប្រាកដជាចប់បាត់ហើយ តែបងឌឺពេករហូតរឿងកាន់តែធំរហូតពិបាកថយក្រោយ កាន់តែពន្យល់កាន់តែចុះផ្សាយ។
ផេករបស់អ្នកឧកញ៉ាបានបន្ថែមទៀតថា៖ «ខ្ញុំក៏មិននិយាយអ្វីច្រើនដែរ ព្រោះមុននឹងខ្ញុំ លើកហេតុផលពន្យល់ជាមួយបង ខ្ញុំបាន ឆ្លងយោបល់(លោក) ដែលបងយកឈ្មោះមកប្រើនោះហើយ។គាត់បានប្រាប់ច្បាស់ៗមកខ្ញុំហើយ ទើបខ្ញុំហ៊ានព្យាយាមពន្យល់បងប្រុសបន្ថែម តែដល់ចុងក្រោយបងនៅប្រើឈ្មោះ(លោកមែន)។ ខ្ញុំមិនដែលទម្លាប់ ពាក់ព័ន្ធជាមួយអ្នកផ្សេងទេ លោកពិចារណាខ្លួនឯងចុះ មុននឹងខ្ញុំធ្វើអ្វី ខ្ញុំបានព្យាយាមឲ្យអស់លទ្ធភាពហើយ។ ហើយបើនិយាយពីថ្លៃថ្នូរវិញ គឺស្មើភាពគ្នាណាស់ហើយ បងផ្សាយពីខ្ញុំ ខ្ញុំផ្សាយពីបង បងយល់បានទេ មានមតិខ្លះថាខ្ញុំ ទម្លាក់ខ្លួនពេកផង តែសម្រាប់ខ្ញុំ គឺស្មើភាពគ្នាជាមួយបង។»
សូមរំលឹកឡើងវិញថា ក្រុមហ៊ុន ហ្គាឡាក់ស៉ី ណាវ៉ាត់ត្រា កាលពីថ្ងៃទី២៤ ខែធ្នូ បានចេញសេចក្ដីជូនដំណឹងដោយបានស្នើដល់សារព័ត៌មានខ្មែរខូវឺធីវី លុបចោលនូវវីដេអូ និងសំណេរជាអក្សរដែលផ្សាយនៅលើទំព័រ Facebook របស់ស្ថាប័ននោះដែលចុះផ្សាយកាលពីថ្ងៃទី២២ ខែធ្នូ ឆ្នាំ២០២២។
កន្លងមក ក្រុមហ៊ុន ហ្គាឡាក់ស៉ី ណាវ៉ាត់ត្រា គ្រុប ឯ.ក បានអះអាងថា ខ្លួននឹងដាក់ពាក្យបណ្ដឹង ដើម្បីសង្គ្រោះសិទ្ធិដែលបានបំពាន ពីសំណាក់អង្គភាពសារព័ត៌មាន គណនី Facebook ខ្មែរខូវឺធីវី តាមច្បាប់ជាធរមាន ខណៈដែលភាគីសារព័ត៌មានខ្មែរខូវីធីវីក៏រក្សាគោលជំហរមិនលុបចោលអត្ថបទដែលខ្លួនចុះផ្សាយដោយសំអាងថាមានប្រភពច្បាស់លាស់ព្រោះក្រុមការងារបានចុះទៅដល់ទីតាំងផ្ទាល់។
អានអត្ថបទដើម ៖ ក្រុមហ៊ុនឡេងណាវ៉ាត្រាបូមខ្សាច់ចាក់លុបព្រែកវត្តជ្រៃបឹងគ្រំធ្វើផ្លូវបេតុងឆ្ពោះទៅកាន់តំបន់ដីឡូត៍របស់ខ្លួន អាចនឹងជន់លិចរាជធានីភ្នំពេញនាពេលអនាគត៖…
អ្នកលេងបណ្ដាញសង្គមកំពុងតែតាមដានព័ត៌មាននេះយ៉ាងយកចិត្តទុកដាក់ ព្រោះចង់ដឹងថាតើបញ្ហានេះនឹងដោះស្រាយដោយរបៀបណា ហើយនៅទីបញ្ចប់ភាគីមួយណាគឺជាអ្នកឈ្នះនៅក្នុងករណីដ៏រសើបមួយនេះ៕
