សិល្បៈជាតិ៖ ក្រោយពេលប្រកួតចប់នឹងទទួលបានតំណែងរងលំដាប់ទី៥ Fifth Runner Up Miss Grand International 2022 នាប្រទេសឥណ្ឌូនេស៊ី កញ្ញា ពេជ្រ វត្តីសារ៉ាវឌ្ឍី បានធ្វើដំណើរទៅធ្វើការងារនិងកើបទ្រព្យនៅប្រទេសថៃមួយរយៈធំ។ ជាមួយនឹងក្ដីទន្ទឹងរងចាំវត្តមានរបស់កញ្ញាត្រលប់មកទឹកដីកំណើតវិញនោះ ពេលនេះកញ្ញាបានប្រកាសហើយថានឹងវិលមកកាន់ទឹកដីកំណើតនៅដើមឆ្នាំ២០២៣ ខាងមុខនេះ។
ក្នុងសេចក្ដីប្រកាសជាផ្លូវការដោយផេក Pich Votey Saravody Official បានឱ្យដឹងថាកញ្ញានឹងមកដល់ព្រះរាជាណាចក្រអច្ឆរិយៈនៅថ្ងៃទី២ ខែមករា ឆ្នាំ២០២៣ ខាងមុខនេះ វេលាម៉ោង ៧និង៣៥នាទី ប្រសិនបើមិនមានបញ្ហាញអាកាសធាតុឬកត្តាចាំបាច់ណាមួយដែលធ្វើឱ្យយន្តហោះត្រូវពន្យាជើងហោះហើរនោះ។
ខាងក្រោមនេះគឺជាសេចក្ដីប្រកាសទាំងស្រុងរបស់ផេក Pich Votey Saravody Officia :
ជម្រាបសួរប្រជាជនកម្ពុជា នាងខ្ញុំ «ពេជ្រ វត្តីសារ៉ាវឌ្ឍី» Miss Grand Cambodia 2022 និងជា 5th Runner Up Miss Grand International 2022 ឥឡូវនេះនាងខ្ញុំមានគម្រោងនិងឱកាស ធ្វើដំណើរវិលត្រឡប់ទៅកាន់មាតុភូមិវិញនាពេលខាងមុខនេះ បន្ទាប់ពីចំណាយពេលវេលារយៈពេល៣ខែកន្លងមក តំណាងព្រះរាជាណាចក្រកម្ពុជា នៅក្នុងការប្រកួតលើឆាកអន្តរជាតិនិងបំពេញភារកិច្ចមួយចំនួនជាមួយ Miss Grand International Organization ក្នុងនាមជា 5th Runner Up ថ្ងៃនេះនាងខ្ញុំសូមមកធ្វើការបញ្ជាក់ពីព័ត៌មានអំពីការហោះហើរវិលត្រឡប់មកកម្ពុជាវិញ គឺនាងខ្ញុំវិលត្រឡប់មកកម្ពុជា នៅថ្ងៃទី02 ខែមករា ឆ្នាំ2023 ។ នៅវេលាម៉ោង 6:25នាទីល្ងាច នាងខ្ញុំនឹងធ្វើការហោះហើរចាកចេញពីទីក្រុងបាងកក អាកាសយាន្តដ្ឋានអន្តរជាតិសុវណ្ណភូមិ មកកាន់អាកាសយាន្តដ្ឋានអន្តរជាតិភ្នំពេញមកដល់វេលាម៉ោង 7:35នាទីយប់ !! ចង់ប្រាប់ថា នឹកប្រទេសកម្ពុជា នឹកប្រជាជនខ្មែរ នឹកអាហារខ្មែរ នឹកគ្រប់យ៉ាងជាខ្មែរ ចាំជួបគ្នានៅប្រលានទាំងអស់គ្នាណា កំឡុងម៉ោង8យប់ សង្ឃឹមថាបានជួបពុកម៉ែបងប្អូនពិសេសអ្នកគាំទ្រជាទីស្រឡាញ់របស់នាងខ្ញុំ ពីមុនថាចង់អោយគេមកខ្មែរ ឥឡូវគេមកហើយណា ។ អរគុណ
Pich Votey Saravody Official
The time has finally come – along wait is over, I will be back to our home country very soon ! Mark your calendar and time everyone, I will arrive in Our Country At The Phnom Penh International airport on Monday 2nd January next year 2023 ! 19.35 Pm in the evening. Let’s come and cheer me at the airport together na . I am really excited and can not wait to meet all of you my beloved Cambodian Pich Votey Saravody, your 5th runner up Miss Grand International 2022 from Cambodia
ក្រោយមានសេចក្ដីប្រកាសរបស់តារាស្រីរូបនេះគេឃើញមានអ្នកគាំទ្រជាច្រើនបានចូលមកសាទរ និង អះអាងថាពួកគេនឹងប្រមូលផ្ដុំគ្នាមករងចាំស្វាគមន៍ ចំពោះការវិលត្រលប់មកដល់មាតុប្រទេសវិញរបស់កញ្ញា ពេជ្រ វត្តីសារ៉ាវឌ្ឍីនាឆ្នាំ២០២៣ខាងមុខនេះ៕