ក្លិបបាល់ទាត់ហង្សក្រហម Liverpool បានរងបរាជ័យក្រោមថ្វីជើង Brentford ក្នុងលទ្ធផល ៣-១ នៅកីឡដ្ឋាន Gtech Community នៃក្របខណ្ឌកំពូលរបស់ប្រទេសអង់គ្លេស English Premier League 2022/23 នៅរាត្រីថ្ងៃទី០៣ ខែមករា។
នេះគឺជាបរាជ័យលើកទី៥ ក្នុងចំណោម១៧ប្រកួត របស់ក្លិប Liverpool ក្រោមការដឹកនាំរបស់លោក Jurgen Klopp នៅ Premier League ដោយឈ្នះ៨ និងស្មើ៤ មាន២៨ពិន្ទុ ស្ថិតនៅលេខរៀងទី៦។
ស្របពេលថ្មីៗនេះខ្សែប្រយុទ្ធហូឡង់ Cody Gakpo យល់ព្រមចាកចេញពីក្លិប PSV Eindhoven ចូលរួមជាមួយ Liverpool ក្នុងតម្លៃចន្លោះ ៤០-៥០លានដុល្លារអាមេរិក នៅទីផ្សារដោះដូរកីឡាកររដូវត្រជាក់។
រីឯក្លិប Tottenham Hotspur របស់លោក Antonio Conte បានប្រកួតចាញ់ Aston Villa ២-០ នៅក្នុងដីខ្លួនឯង នៅកីឡដ្ឋាន Tottenham Hotspur Stadium ធ្វើឲ្យធ្លាក់ពីលេខ៤ ទៅឈរលេខ៥ បណ្តោះអាសន្ន ដោយមាន៣០ពិន្ទុក្នុងដៃ។
ខណ:ក្លិបបាល់ទាត់ Paris Saint-Germain របស់លោក Christophe Galtier ក៏បានបើកឆាកឆ្នាំថ្មីចាញ់ Lens ក្នុងការប្រកួត Ligue 1 លីគលំដាប់ទី១បារាំង ក្នុងលទ្ធផល ៣-១ នៅកីឡដ្ឋាន Stade Bollaert-Delelis។ បន្ទាប់ពីអវត្តមានតារាឆ្នើម Messi និង Neymar ក្រោយចប់ព្រឹត្តិការណ៍ World Cup 2022 នៅកាតា៕
