កម្មវិធីថ្មី «Sunday Drive» មានពិធីករ ៣រូបមាន កញ្ញា កុសុម៉ា លោក យ៉ារ៉ូ និងលោក David គឺជាកម្មវិធីថ្មីសន្លាងមួយទៀត ដែលអញ្ជើញតារាកិត្តិយសមកជជែកកម្សាន្តដោយធ្វើដំណើរតាមដងវិថី ដោយថ្ងៃដំបូងនេះមានតារាកិត្តិយសចូលរួមគឺតារាហ្វេសប៊ុកល្បី លោក PeyPey Dy ។
សូមចុចអាន «ទិវាគុណឪពុក» យ៉ារ៉ូប្រាប់ថាខ្លួនគ្មានប៉ាហៅនឹងគេរយៈពេល ១៥ឆ្នាំហើយ!
នៅក្នុងកម្មវិធី «Sunday Drive» ដែលលោក PeyPey Dy ជាតារាកិត្តិយសនោះ ភាគច្រើនគឺនិយាយគ្នាលេងសើចពីការរស់នៅការងារផ្សេងៗ ស្នេហាថ្មោងថ្មីរបស់ PeyPey Dy និងមូលហេតុដែលធ្វើឱ្យមួយរយៈក្រោយតារារូបនេះចូលចិត្ត Live លើ IG ព្រមទាំងទទួលបានការគាំទ្រយ៉ាងច្រើន។ ជារួមសំនួរភាគច្រើនជាសំនួរនាំសំណើច ដើម្បីបង្កជាបរិយាកាសរីករាយដល់អ្នកទស្សនា។
យ៉ាងណាមិញអ្វីដែលយើងអាចនិយាយបានថាជា Highlight សំខាន់សម្រាប់កម្មវិធីនោះគឺ តារាកិត្តិយសមួយរូបដែលពិធីករទាំង៣បាន រំលឹកតាំងពីដើមកម្មវិធីមកថានឹងមក Surprise លោក PeyPey Dy ដោយមនុស្សម្នាក់នោះគ្មានអ្នកណាផ្សេងក្រៅពី កក្កដា សុភ័ណ្ឌ តារា Tiktok ធ្លាប់មានសង្គ្រាមសំដីឌឺដង ផ្លែផ្កាគ្នាទៅវិញទៅមកជាមួយនឹង PeyPey Dy និងម៉ែសេះនោះទេ។
ចាប់ពីនាទីទី ១៣.២៥ គឺជាពេលវេលាដែលកម្មវិធីបានរួមគ្នាសាងនូវការភ្ញាក់ផ្អើលមួយសម្រាប់ PeyPey Dy ដោយហៅ កក្កដា សុភ័ណ្ឌ មក Surprise កណ្ដាលទីតែម្ដង។ គ្រាន់តែបើកភ្នែកភ្លាម PeyPey Dy ឃើញថាជា កក្កដា សុភ័ណ្ឌ ក៏ផ្ទុះសង្គ្រាមសំដីមួយប្រាវ តែត្រូវបានពិធីករ-ពិធីការិនី សម្របសម្រួលបរិយាកាសបាន។
សូមរំលឹកឡើងវិញដែរថា «Sunday Drive» គឺជាកម្មវិធីអនឡាញ ដែលបញ្ចាំងលើ Platform សំខាន់ៗចំនួនពីរគឺ Youtube និង Facebook ហើយមាន Stream (ផ្សាយ) ឱ្យអ្នកគាំទ្របានទស្សនានៅរៀងរាល់ថ្ងៃអាទិត្យតាមរយៈផេក Sunday Drive និង Channel Sunday Drive ផងដែរ៕
សូមទស្សនាកម្មវិធី «Sunday Drive» នៅខាងក្រោមនេះ៖