ក្រុមបាល់ទាត់វេណេហ្ស៊ុយអេឡា និងអេក្វាឌ័រ បានត្រឹមស្មើគ្នា ក្នុងពូល B នៃពានរង្វាន់បាល់ទាត់ជើងឯកទ្វីបអាមេរិកខាងត្បូង 2021 Copa América ខណៈក្រុមជម្រើសជាតិប៉េរ៉ូ រកបាន៣ពិន្ទុជាលើកដំបូង នៅព្រឹកថ្ងៃចន្ទ ទី២១ខែមិថុនា ឆ្នាំ២០២១ នេះ។
សរុបលទ្ធផលប្រកួត៖
-វេណេហ្ស៊ុយអេឡា ២-២ អេក្វាឌ័រ
-កូឡុំប៊ី ១-២ ប៉េរូ
សម្រាប់កម្មវិធីប្រកួតនៅព្រឹកថ្ងៃអង្គារ ស្អែកនេះមាន៖
-អ៊ុយរុយហ្គាយ Vs ឈីលី ម៉ោង៤ព្រឹក
-អាហ្សង់ទីន Vs ប៉ារ៉ាហ្គាយ ម៉ោង៧ព្រឹក
ព្រឹត្តិការណ៍នេះមានក្រុមចូលរួមចំនួន១០ក្រុម បែងចែកជា២ពូល នឹងចាប់ផ្ដើមពីថ្ងៃទី១៣ ខែមិថុនា ដល់ថ្ងៃទី១០ ខែកក្កដា ឆ្នាំ២០២១។ ពូល A អាហ្សង់ទីន,ប៉ូឡាវី,អ៊ុយរុយហ្គាយ,ប៉ារ៉ាហ្គាយ ចំណែកពូល B កូឡុំប៊ី,ប្រេស៊ីល,វេណេហ្ស៊ុយអេឡា,អេក្វាទ័រ និងប៉េរូ។ ក្រុមចំណាត់ថ្នាក់លេខ១និងលេខ២ តាមពូលនីមួយៗមានឈ្មោះឡើងទៅលេងវគ្គពាក់កណ្ដាលផ្ដាច់ព្រ័ត្រត្រៀមដណ្តើមជើងឯកជាបន្ត។
អត្ថបទពាក់ព័ន្ធ៖ក្រុមMessi ឈ្នះក្រុមSuárez នៅCopa América ឡើងឈរកំពូលតារាងពូល B ជាមួយឈីលី
ពានរង្វាន់ Copa America រៀបចំឡើងតាំងពីឆ្នាំ១៩១៦ ហើយក្រោយមកវិវត្តន៍រៀបចំនៅរាល់៣ឆ្នាំម្តង ដោយប្រទេសអ៊ុយរ៉ាហ្គាយ ឈ្នះពានរង្វាន់បានច្រើនជាងគេ គឺរហូតដល់១៥លើក ខណៈក្រុមប្រេស៊ីល ជាម្ចាស់ជើងឯកឆ្នាំចាស់កាលពីឆ្នាំ២០១៩។ ចំណែកក្រុមអាហ្សង់ទីន ធ្លាប់ឈ្នះបាន១៤លើក ក្រុមប៉ារ៉ាហ្គាយ និងឈីលី ឈ្នះបានម្នាក់២លើក និងកូឡុំប៊ី និងបូលីវី ឈ្នះម្នាក់១លើក៕
