គិតត្រឹមពេលនេះគណៈកម្មការរៀបចំការប្រកួតបានស្វែងរកឃើញក្រុមជម្រើសជាតិបាល់បោះបុរសចំនួន១៣មុនគេហើយ ដែលកក់សំបុត្រយន្តហោះទៅកាន់ទីក្រុងហ្សាកាតា ប្រទេសឥណ្ឌូណេស៊ី ក្នុងព្រឹត្តិការណ៍ដណ្តើមជើងឯកបាល់បោះប្រចាំទ្វីបអាស៊ី 2021 FIBA Asia Cup។
ក្រុមដែលមានឈ្មោះឡើងដូចជា៖
*ម្ចាស់ផ្ទះ៖ឥណ្ឌូណេស៊ី
*ពូល A៖ ហ្វីលីពីន និងកូរ៉េខាងត្បូង
*ពូល B៖ ចិន និងជប៉ុន
*ពូល C៖ អូស្ត្រាលី និងនូវែលហ្សេឡង់
*ពូល D៖ លីបង់ និងបារ៉ែន
*ពូល E៖ ស៊ីរី និងអ៊ីរ៉ង់
*ពូល F៖ កាហ្សាក់ស្ថាន និងហ្សកដានី
ដូច្នេះក្រុមដែលមានចំណាត់ថ្នាក់លេខ៣ នៅតាមពូលនីមួយៗចំនួន៦ក្រុមត្រូវបែងចែកជា២ពូល ដោយស្វែងរកក្រុមខ្លាំងចំនួន៣ក្រុមមានឈ្មោះឡើងទៅបំពេញ១៦ក្រុម ជាមួយក្រុមទាំង១៣ដែលកំពុងរង់ចាំ។ វគ្គជម្រុះនេះគ្រោងធ្វើនៅខែសីហា នៅហ្សាកាតា ផ្ទាល់តែម្តង មានដូចជា៖
ពូល A៖ ឥណ្ឌូណេស៊ី,តៃវ៉ាន់,ហ្គាម
ពូល B៖ ឥណ្ឌា,អារ៉ាប៊ីសាអ៊ូឌីត,ប៉ាឡេស្ទីន
ពានរង្វាន់ជើងឯកប្រចាំទ្វីប 2021 FIBA Asia Cup នឹងប្រកួតនៅចន្លោះថ្ងៃទី១៦ ដល់២៨ខែសីហា ឆ្នាំ២០២១ខាងមុខ ខណៈពាននេះរៀបចំឡើងរាល់២ឆ្នាំម្តង គិតចាប់តាំងពីឆ្នាំ១៩៦០ មកម៉្លេះ ស្របពេលក្រុមចិន ឈ្នះជើងឯកបាន១៦លើក ច្រើនជាងគេ ហើយហ្វីលីពីន ឈ្នះ៥លើក អ៊ីរ៉ង់ ឈ្នះ៣លើក កូរ៉េខាងត្បូងនិងជប៉ុន ឈ្នះម្នាក់២លើក និងអូស្រ្ដាលី ឈ្នះ១លើក ផងដែរ៕
