តារាចម្រៀងសំនៀងផ្អែមពីរោះរណ្ដំ អ៊ីវ៉ា នៅថ្ងៃទី២១ ខែមិថុនា នេះបានធ្វើការបង្ហោះសំណេរបែបត្រង់ៗមិនបញ្ឆិតបញ្ឆៀងឆ្លើយតបទៅកាន់អ្នកដែលលើកឡើងថាកញ្ញាធ្លាក់ខ្លួនទើបបើកមកលក់បុកល្ហុងអនឡាញ កញ្ញា អ៊ីវ៉ា បានឆ្លើយតបទៅនឹងអ្នកដែលបានលើកឡើងខាងលើបែបសាមញ្ញតែស្ដាប់ហើយចុក។
សូមចុចអាន PeyPey Dy ត្រូវ កុសម៉ា នាំមនុស្សពិសេសម្នាក់មក Surprise តាមផ្លូវរហូតដល់គាំងកណ្ដាលទី!
នៅក្នុងសំណេររបស់កញ្ញា អ៊ីវ៉ា គឺកញ្ញាបានលើកយកសំនួរដែលជាមតិលើកឡើងពាក់ព័ន្ធនឹងកញ្ញាថាបានធ្លាក់កូដទើបមកលក់បុកល្ហុងតាមអនឡាញបែបនេះ មួយវិញទៀតលក់បុកល្ហុងបែបនេះមិនខ្មាស់គេទេឬ?
កញ្ញាបានលើកឡើងថា៖ «រកស៊ីគ្មានអ្វីត្រូវខ្មាស់នោះគេទេ សំខាន់ការរកស៊ីគឺអាស្រ័យលើសច្ចៈទៀងត្រង់ ម្យ៉ាងទៀតកញ្ញាលក់តាមអនឡាញដោយសារតែបច្ចុប្បន្ននេះជំងឺកូវីដនៅតែបន្តរីករាលដាល មិនអាចឱ្យបើកហាងលក់កើត។» តារាចម្រៀងប្រចាំផលិតកម្មសាន់ដេរ រូបនេះក៏បានឆ្លើយតបទៀតចំពោះរឿងដែលគេលើកឡើងថាកញ្ញាធ្លាក់ខ្លួន៖ «មិនមែនទាល់តែលក់ពេជ្រ លក់ឡាន លក់របស់ថ្លៃៗទើបឡូយឆាយ មិនធ្លាក់ខ្លួន មិនធ្លាក់កូដនោះទេ ខ្ញុំរកតាមសមត្ថភាពខ្ញុំ ខ្ញុំមិនមានផង មិនឱ្យខំយ៉ាងម៉េច…បានលុយណាចាយ?.. ច្រៀងក៏នៅតែច្រៀង រកស៊ីក៏រកស៊ី ធ្វើការក៏ធ្វើការ អាធំផ្សំដោយអាតូច… »
នៅខាងក្រោមសំណេរខាងលើនេះ មានអ្នកគាំទ្រកញ្ញា អ៊ីវ៉ា ជាច្រើនបានចូលមកខមមិន និងលើកទឹកចិត្តដល់កញ្ញាកុំឱ្យកញ្ញាយកចិត្តទុកដាក់ចំពោះការលើកឡើងរបស់អ្នកដទៃ ព្រមទាំងបង្ហាញពីការគាំទ្រកញ្ញាពេញទំហឹងថែមទៀតផង។
Seom Sovannarong: គាំទ្រ អាយដល
នួន រចនា: កុំទៅខ្វល់ជាមួយសម្ដីពួកមនុស្សអត់ប្រយោជន៍អូន សំខាន់បុកល្ហុងប្អូនបងឆ្ងាញ់កប់សេរី មិនជឿកម្មង់ញ៉ាំទៅបងប្អូន
Mrr White SD: យីខ្មាស់គេយ៉ាងម៉េច??? ចង់ស្គាល់អ្នកនិយាយដល់ហើយ រាល់ថ្ងៃគាត់ដេកលើលុយរឺយ៉ាងណា
Huy HuyFood: សំនួរបែបចង់មើលងាយ ប៉ុន្តែចំលើយឆ្លើយបែបអ្នកថ្លៃថ្នូរ នឹងមានតម្លៃពេញលីង
