ក្រុមជម្រើសជាតិវៀតណាម បានប្រកួតស្មើ ២-២ ជាមួយថៃ នៅវគ្គផ្តាច់ព្រ័ត្រ AFF Mitsubishi Electric Cup 2022 ជើងទី១ ក្នុងកីឡដ្ឋាន My Dinh ទីក្រុងហានណូយ ប្រទេសវៀតណាម នារាត្រីថ្ងៃទី១៣ ខែមករា ឆ្នាំ២០២៣។
ខណ:កីឡាករ Poramet Arjvirai របស់ក្រុមជម្រើសជាតិថៃ គឺជាកីឡាករដំបូងគេបង្អស់ដែលអាចស៊ុតបញ្ចូលទីអ្នកចាំទី Dang Van Lam របស់ក្រុមជម្រើសជាតិវៀតណាម ក្នុងព្រឹត្តិការណ៍ AFF Mitsubishi Electric Cup 2022។
ក្រុមជម្រើសជាតិវៀតណាម ក្រោមការដឹកនាំរបស់លោក Park Hang-seo ជាក្រុមតែមួយគត់ដែលឆ្លងកាត់ ៦ប្រកួត ដោយគ្មានក្រុមណាស៊ុតចូលទីសម្បី១គ្រាប់ និងស៊ុតចូលគូប្រកួតបាន១៤គ្រាប់។
វគ្គជម្រុះក្នុងពូល៖
ប្រកួតទី១ ឈ្នះឡាវក្នុងលទ្ធផល ៦-០
ប្រកួតទី២ ឈ្នះម៉ាឡេស៊ី ក្នុងលទ្ធផល ៣-០
ប្រកួតទី៣ ស្មើជាមួយសិង្ហបុរី ០-០
ប្រកួតទី៤ ឈ្នះមីយ៉ាន់ម៉ា ក្នុងលទ្ធផល ៣-០
វគ្គពាក់កណ្ដាលផ្ដាច់ព្រ័ត្រ៖
ជើងទី១ ស្មើជាមួយឥណ្ឌូណេស៊ី ០-០
ជើងទី២ ឈ្នះឥណ្ឌូណេស៊ី ក្នុងលទ្ធផល ២-០
***វគ្គផ្តាច់ព្រ័ត្រ៖
ជើងទី១ ស្មើជាមួយថៃ ២-២
របូត២គ្រាប់ស៊ុតដោយកីឡាករ Poramet Arjvirai និង Sarach Yooyen។
សម្រាប់ជើងទី២ ក្រុមជម្រើសជាតិថៃ ត្រូវបើកទ្វារកីឡដ្ឋាន Thammasat វិញ ទទួលជើងខ្លាំងវៀតណាម ជើទី២ ថ្ងៃទី១៦ ខែមករា ឆ្នាំ២០២៣ វេលាម៉ោង ៧:៣០នាទីយប់ ដើម្បីកាត់សេចក្តីថា ក្រុមណានឹងក្លាយជាម្ចាស់ជើងឯក៕
